Oqqanotlar (Aleyrodidae)

Oqqanotlar (Aleyrodidae)

Oqqanotlar, aleyrodidlar (Aleyrodidea) – tengqanotlilar turkumiga mansub hasharotlarning kenja turkumi. Tanasining uzunligi 1,3 - 1,8 mm. Voyaga yetgan individlari juda harakatchan; oq unsimon gʻubor bilan qoplangan qanotlari bor. Moʻylovlari 3 – 7 boʻgʻimli. Ogʻiz apparati soʻruvchi tipda. Chala oʻzgarish bilan rivojlanadi. Oqqanot namsevar hasharotlardir, shuning uchun havo haroratining oshishi va nisbiy namlikning pasayishi ularning rivojlanishiga salbiy taʼsir koʻrsatadi.
Oʻzbekistonda issiqxona oqqanoti (Trialeurodes vaporariorum Westw) va gʻoʻza yoki tamaki oqqanoti (Bemisia tabaci) nisbatan yaqinda paydo boʻlib, asosan, issiqxonalardagi oʻsimliklarga zarar keltira boshladi. Biroq, keyingi yillarda ular ochiq daladagi sabzavot ekinlarga ham keng tarqalmokda. Sugʻorma dehqonchilik mintaqalarda yiliga 7 – 8 avlod beradi. Oqqanot lichinkasi hujayra shirasini soʻrib, oʻsimlik rivojiga salbiy taʼsir qiladi va ular ajratgan yopishqoq suyuqlikda qorakuya zamburugʻlari taraqqiy etib, assimilyasiya jarayonini susaytiradi, shu tariqa oqqanot ikki taraflama zarar keltiradi.
Trialeurodes vaporariorum Westw
Bemisia tabaci
Kurash choralari:
aktellik (0,15%), karbofos (0,2%), BI-58 (0,15%) va piretroidlar (prometrin, simbush, detsis, sumialfa, rovikurt va boshqalar) purkash;
issiqxonalarda 1—3 yoshdagi lichinkalarga karshi entomo-patogen zamburugʻ - ashersoniya,
katta yoshdagi lichinkalarga karshi esa inkarziyadan foydalanish tavsiya etiladi.
Trialeurodes vaporariorum
Trialeurodes vaporariorum
Trialeurodes vaporariorum life cycle
Dialeurodes citri`s eggs
Dialeurodes citri
Aleurodes fragariae
Aleurodes brassicae