O‘quV-uslubiy majmua (III bosqich uchun)

M UNDARIJA
Kirish ……… .. .. …4
Nazariy materiallar (ma’ruzalar kursi) ... . ...….…… ....…...6
Amaliy mashg‘ulot ishlanmalari . .. ..200
Mustaqil ishlar bo‘yicha materiallar .…..….. . .317
Glossary … .. ....334
Ilovalar:
Fan dasturi … . .339
Ishchi fan dasturi .. … .. . 352
Tarqatma materiallar . ...378
Test savollari .. . . ...380
Baholash mezonlari .387
O‘quv-uslubiy majmuaning elektron varianti .. . ..389
Taqdimotlar va multimediya vositalari (elektron shaklda) ... .… ..…389


Kirish

Har qanday davlatning rivojlanishi uning intellektual salohiyatiga bog‘liq. Intellektual salohiyat xalqaro andozalardagi zamonaviy taraqqiyotni ta’minlay oladigan mustaqil fikrli, malakali, bilimli, yuksak insoniy fazilatlarga ega kadrlarni tayyorlash mezonidir.

Yurtboshimiz Sh.Mirziyoyev haqli ravishda ta’kidlaganidek, “Yoshlarimizning mustaqil fikrlaydigan, yuksak intellektual va ma’naviy salohiyatga ega bo‘lib, dunyo miqyosida o‘z tengdoshlariga hech qaysi sohada bo‘sh kelmaydigan insonlar bo‘lib kamol topishi, baxtli bo‘lishi”¹ga erishishda “...umumiy o‘rta ta’lim, o‘rta maxsus va oliy ta’lim sifatini yaxshilash hamda ularni rivojlantirish chora-tadbirlarini amalga oshirish”²ga alohida urg‘u berilgani bejiz emas.
O‘zbekiston Respublikasi Prezidenti Sh.M.Mirziyoyev Oliy Majlisga qilgan murojaatnomasida: “ “Yangi O‘zbekiston – maktab ostonasidan, ta’lim-tarbiya tizimidan boshlanadi”, degan g‘oya asosida keng ko‘lamli islohotlarni amalga oshiramiz.
Birinchidan, yosh avlodga bog‘cha, maktab va oliygohda sifatli ta’lim-tarbiya berishni yo‘lga qo‘yamiz, ular jismoniy va ma’naviy sog‘lom, vatanparvar insonlar bo‘lib ulg‘ayishi uchun barcha kuch va imkoniyatlarni safarbar etamiz.
Ikkinchidan, yoshlarni zamonaviy bilim va tajribalar, milliy va umumbashariy qadriyatlar asosida mustaqil va mantiqiy fikrlaydigan, ezgu fazilatlar egasi bo‘lgan insonlar etib voyaga yetkazamiz.
Uchinchidan, o‘g‘il-qizlarimizni mehnat bozorida talab yuqori bo‘lgan zamonaviy kasb-hunarlarga o‘rgatish, ularda tadbirkorlik ko‘nikmalari va mehnatsevarlik fazilatlarini shakllantirish hamda tashabbuslarini ro‘yobga chiqarish, ish va uy-joy bilan ta’minlashga ustuvor ahamiyat qaramiz”³, deya ta’kidladi.
Bu esa oliy ta’lim tizimiga sifatli kadrlar tayyorlashdek mas’uliyatli vazifani yukladi.
Shuningdek, “Oliy ta’lim tizimini 2030 yilgacha eivojlantirish konsepsiyasi”da quyidagilar oliy ta’lim tizimining strategik maqsadi etib belgilandi:
-oliy ta’lim bilan qamrovni kengaytirish, oliy ma’lumotli mutaxassislar tayyorlash sifatini oshirish;
-ta’lim jarayoniga raqamli texnologiyalar va zamonaviy usullarni joriy etish⁴.
Bu esa o‘z navbatida sifatli kadrlar tayyorlash va ta’lim jarayoniga innovatsiyalarni joriy etishda talabalarga Boshlang‘ich ta’lim pedagogikasi, innovatsiya va integratsiyasi fanining o‘qitilishi nechog‘lik ahamiyatli ekanligini ko‘rsatmoqda.
Ushbu fan 5111700-Boshlang‘ich ta’lim va sport tarbiyaviy ish yo‘nalishi talabalariga III bosqichda 38 soat ma’ruza, 38 soat amaliy hamda 128 soat mustaqil ta’lim, IV bosqichda 38 soat ma’ruza, 38 soat amaliy hamda 128 soat mustaqil ta’lim soati hisobida o‘qitiladi.
O‘quv-uslubiy majmua pedagogik texnologiyalar asosida tuzilgan ma’ruza matnlari, amaliy mashg‘ulotlar ishlanmasi, mustaqil o‘rganiladigan mavzular va ularni bajarish uchun metodik tavsiyalar, glossary, test topshiriqlari hamda ilova va qo‘shimcha materiallardan iborat.