O`simliklarning geterotrof oziqlanishi usullari

Hashoratxo`r o`simliklar va ularning ahamiyati. Hozirgi vaqtda fanda kichik hashorotlar va boshqa mayda umurtqasiz hayvonlarni tutib ulardagi organik moddalarni qo`shimcha oziq sifatida foydalanuvchi 400 va undan ortiq o`simlik turlari mavjud. Ularning ko`pchiligi azotga kambag`al botqoq tuproqlarda uchraydi. Ammo ularning epifit va suv o`tlari formalari ham bor. Umuman ko`pchilik hashoratxo`r o`simliklar mineral elementlar juda kam bo`lgan tuproqlarda yashaydi. Ularning ildizlari kuchsiz rivojlangan va boshqa botqoq o`simliklaridan farqli ularoq, ularda mikoriz yo`q. Shuning uchun ham ularning o`sishi va rivojlanishida tutib olingan (ovlangan) narsaning ahamiyati kattadir. Hasharotxo`r o`simliklar o`z qurbonining tanasidan azot, fosfor, kaliy va oltingugurt elementlarini oladi. Shuningdek aminokislotalar va boshqa parchalanuvchi birikmalar tarkibidagi uglerod ham hashoratxo`r o`simliklar metabolizmida qatnashadi. Masalan, rosyanka o`simligi go`sht parchalari bilan oziqlantirilganda nazorat varianti o`simliklariga nisbatan bir qancha ko`rsatkichlari-xususan ko`payish organlarining yaxshi rivojlanishi bilan farqlangan. Shuningdek puzirchatka o`simligi faqatgina hayvonlar bilan oziqlangandan so`ngina gullash xususiyatiga ega.