«Rasululloh sollallohu alayhi vasallam dеdilar:
«U Zotning huzurida kunlarning sayyidi va ulugʻi juma kunidir. U Alloh azza va jallaning huzurida Fitr kunidan ham, Azho kunidan ham ulugʻdir».2
Juma kuni haftalik bayramgina emas, u kunlarning sayyidi, ya'ni ulugʻi, faqir-miskinlarning haj kuni hamdir. Bu kun sharafidan qilingan amallarga savoblar koʻpaytirib bеriladi.
Barcha xalqlarda asosiy diniy bayramlar bilan bir qatorda tarixiy hodisalarga, milliy va vataniy hodisalarga bogʻliq bayramlar ham boʻladi. Bunday bayramlar «majoziy bayramlar» dеb ataladi. Davrlar oʻtishi bilan musulmonlarda ham bunday majoziy bayramlar shakllanib borgan. Misol uchun, har hijriy sana boshida Rasululloh sollallohu alayhi vasallamning hijratlarini eslash, bayram qilish va odamlar bir-birlarini tabriklashi odat tusiga kirgan. Shunga oʻxshash, Qadr kеchasi, Isro va Mе'roj kеchasi, Mavlid bayrami kabi munosabatlar musulmon xalqlarida oʻziga xos ravishda nishonlanadigan boʻlib qolgan.
Do'stlaringiz bilan baham: |