O‘zbekiston respublikasi mudofaa vazirligi chirchiq oliy tank qo‘mondonlik muhandislik bilim yurti artilleriya kafedrasi

ADABIYOTLAR SHARHI

1. SH.M.Mirziyoyev.“Buyuk kelajagimizni mard va olijanob xalqimiz bilan birga quramiz”Toshkent-“O‘zbekiston”2017-yil.

Ushbu kitobda davlatimiz rahbarining mamlakatimizni siyosiy va iqtisodiy rivojlantirish, jumladan, ishtimoiy sohalar ta’lim- tarbiya,ilmu fan sog’liqni saqlash, madaniyat va sanat, sport tizimini rivojlantirishga qaratilgan islohotlar, jamiyatimizda ayollar, keksalar va yoshlarning o‘rni, ularga yanada qulay sharoit va imkoniyatlar yaratish bilan bog’liq masalalar; har bir hudud va mintaqa bo‘yicha yaqin va o‘rta istiqbolga yaqin bo‘lgan rejalar, ustuvor loyihalar, qadimiy va yangi tariximiz haqida, sobiq sovetlar tuzumi mohiyatini fosh etadigan misollar, bugungi kunda dunyoning ayrim hududlarida bu tuzumni tiklashga bo‘layotgan harakatlar haqidagi fikr mulahazalari, O‘zbekiston tashqi siyosat konsepsiyasi to‘g‘risidagi qarashlari har tomonlama puxta asoslangan holda bayon qilingan.

Mazkur to‘plamning bosh g’oyasini quyidagi so‘zlarga mujassam bo‘lgan eng muhim o‘zak fikr tashkil etadi:

“Biz o‘tgan davrda amalga oshirgan ishlarimizga baho berar ekanmiz,“Kecha kim edigu bugun kim bo‘ldik?”degan savol ostida ularning mohiyati va ahamiyatini o‘zimizga chuqur tasavvur etamiz.Ayni vaqtda “Ertaga kim bo‘lishimiz,qanday yangi marralarni egallashimiz kerak?” degan savol ustida o‘ylashimiz,nafaqat o‘ylashimiz balki amaliy ishlarimiz bilan bunga javob berishimiz lozim”.