O‘zbekiston respublikasi mudofaa vazirligi o‘zbekiston respublikasi oliy va o‘rta maxsus ta’lim vazirligi

O‘ZBEKISTON RESPUBLIKASI MUDOFAA VAZIRLIGI

O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRLIGI

BUXORO DAVLAT UNIVERSITETI


HARBIY TA’LIM FAKULTETI


AMALIY JISMONIY TAYYORGARLIK VA HARBIY SPORT INSHOOTLARI


FANIDAN MA’RUZA MATNLARI


Buxoro -2021 y.
ANNOTATSIYA

Ushbu ma’ruzalar matni “Chaqiriqqacha harbiy ta’lim” yo‘nalishiga mo‘ljallangan bo‘lib unda talabalarga harbiy sport inshootlaridan bilim berishga oid mavzular yoritilgan.

Tuzuvchi: Maxsus tayyorgarlik sikl o‘qituvchisi.

kapitan L.Nurulloyev

Taqrizchi: Maxsus tayyorgarlik sikl katta o‘qituvchi.

leytenant F.Raximov

Ma’ruza matni Bux. DU Harbiy ta’lim fakultetining fan uslubiy kengashida ko‘rib chiqilgan va nashrga tavsiya etilgan. 2021 yil “___”____dagi _____-sonli majlis bayoni.

Kirish
Mustaqil davlatimizning ertangi kuni, uning gullab - yashnashi va rivojlanishi koʻp jihatdan oʻsib kelayotgan avlodning sogʻlom boʻlishiga bogʻliq. Bu esa oʻz navbatida Vatanimizning kelajagi – farzandlarimizning jismoniy, aqliy va ma’naviy kamol topishi uchun qulay sharoitlar yaratishni taqazo etadi.Yoshlarni Oʻzbekiston Respublikasi Qurolli Kuchlariga xizmatga tayyorlashda oʻquv muassasalarda oʻquv –moddiy bazani yaxshilash zarur. Ma’ruza koʻrsi talabalarning harbiy – sport inshootlarini ishlatilishi, loyihalashtirish, qurilishi, bilimlari asosi hamda mahoratini tashqili, boshlangʻich chaqiriqqacha tayyorgarlik oʻqituvchisi majburiyatini, pedagogik faoliyatini bajarishi uchun yoʻnaltirilishi zarur. Ma’ruza oʻquv muassasalarida tarbiya va gigiena talablari bilan bogʻlangan boʻlishi shart.
Kadrlar tayyorlash milliy dasturi, Oʻzbekiston Respubliksining “Ta’lim toʻgʻrisida”gi Qonunning qoidalariga muvofiq holda yangi oʻquv rejalari, dasturlarining zamonaviy didaktik ta’minotini ishlab chiqish, Oliy oʻquv yurtlari faoliyatida milliy tajribalarning tahlili va jahon miqyosidagi yutuqlar asosida yangi darsliklarni, oʻquv adabiyotlarini yaratish vazifalari koʻrsatib oʻtilgan.
Prezidentimiz Sh.M.Mirziyoyevning 2017-yil 9-martdagi Oʻzbekiston sportchilarini 2020-yilda Tokio shahri (Yaponiya) da oʻtkaziladigan XXXII yozgi Olimpia va XVI Paralimpia oʻyinlariga tayyorlashga oid qarori iqtidorli, istiqboli bor oʻquvchi yoshlarni izlab topish va tayyorgarlikning koʻp yillik sikllariga yoʻnaltirish masalalariga qaratilgan.
Amaliy jismoniy tayyorgarlik va harbiy sport inshootlai fani jangovor tayyorgarlikda asosiy oʻrin egallaydi. Oʻzbekiston Respublikasi harbiy xizmatchilari shaxsiy tarkibini jangovorligini oshirish uchun xizmat qiladi.
Amaliy jismoniy tayyorgarlik fanining maqsadi: jismoniy tayyorgarlikni ta’minlab berish. Harbiy xizmatchilarning yuklatilgan vazifalarini bajarishda mukammallikka erishish. Jismoniy qiyinchiliklarni yengib oʻtish ruhida tarbiyalash va jismoniy sifatlarni oshirish.
Harbiy xizmatchilarning jismoniy tayyorgarlikdgi umumiy vazifasi shundaki:

• 
  har doim, kundan-kunga quvvat, chidamlilik, chaqqonlik va tezlikni oshirib borish va takomillashtirish.
  
• 
  toʻsiqlardan oʻtish, qoʻl jangi, suzish harbiy jismoniy tayyorgarlikni belgilangan joydan boshqa bir joyga piyoda harakatlanish bilan koʻnikmalarni oʻzgartirish.
  
• 
  jismoniy tayyorgarlikni yaxshilish, sogʻligʻini mustahxkamlash, organizmni chidamliligini oshirish, noxushliklar vaqtida harbiy professional darajaga yondashish.
  

Jismoniy tayyorgarlik davomida nazariy koʻnikmalar uslubiy ishlarni tashkillashtirishni takomillashtira boradi. Jismoniy tayyorgarlik harbiy maxsus tayyorgarlikni ma’naviy-ruhiy sifatlarni shaxsiy tarkibni tarbiyalab boradi. Harbiy intizomni tarbiyalab va qiyinchiliklarni yengishga koʻnikmalar hosil qiladi.
Jismoniy tayyorgarlikni asosiy qismini jismoniy mashqlar tashkil etadi. Ularni bajarishda gigiena qoidalariga rioya qilgan holda ob-havoni hisobga olib borish lozim.