O’zbekiston respublikasi tashqi ishlar vazirligi jahon iqtisodiyoti va diplomatiya universiteti

2.2. Rivojlanayotgan mamlakatlarning iqtisodiyotiga tadbirkorlik

faoliyatining ta’siri

Har bir davlat o’z mamlakati iqtisodiyotini rivojlantirish maqsadida o’z oldiga tadbirkorlikni rivojlantirishni eng muhim vazifalardan biri sifatida qo’ymoqda. Rivojlanayotgan mamlakatlar iqtisodiyotiga ham nazar tashlasak, bu sohaning davlat gullab-yashnashi uchun qanchalik muhim ekanligini tushunib yetamiz. Masalan, Qozog‘iston davlatida ham bu borada ancha ishlar amalga oshirilmoqda. Qozog’iston biznes yuritish qulayligi boʻyicha Jahon bankining global reytingida 190 davlat ichida 28-o‘rinni egalladi. Jahon Bankining 31-oktabr (chorshanba) kuni chop etilgan “Doing Business 2019” hisoboti natijalariga ko‘ra, Qozog‘iston biznesni isloh qilish bo‘yicha 10 ko‘rsatkichdan oltitasida yuqorilagan va o‘tgan yilgi 36-pog‘onadan yuqoriroqqa ko‘tarilgan.
Bu indikatorlar qatorida biznesni boshlashdagi qulayliklar, qurilish uchun ruxsatnoma olish, shartnoma bajarilishini ta’minlash, to‘lovga layoqatsizlikni bartaraf etish, kredit olish, chegaralararo savdo va hokazolar kiradi.
Qozog‘iston kichik investorlarni himoya qilish bo‘yicha birinchi o‘rinni egallagan.
Shuningdek bu reytingda Markaziy Osiyoning boshqa davlatlari - Qirg‘iziston 70, Tojikiston 126-pog‘onadan oʻrin oldi.
Xitoy Xalq Respublikasini ham ko’radigan bo’lsak, 70-yillar oxiri 80-yillar boshida mamlakatni siyosat va iqtisodiy yo’nalishdagi yangicha rivojlanish bosqichini boshlashi bilan kichik va o’rta biznes jadal rivojlanib ketdi. Xitoyda kichik va o’rta biznesni bunday jadal rivojlanib, mamlakat iqtisodiyotida muhim o’rin tutishi, uni davlat tomonidan qo’llab quvvatlashdagi oqilona siyosatdir:

• 
  texnologiya sohasidagi yangi ishlarni kiritilishi va samaradorligini oshirilishi;
  
• 
  kichik va o’rta korxonalarni texnologiyalar bilan yangilash maxsus fondini yaratish.
  

Xitoyda kichik korxonalarni ro’yxatdan o’tkazishni juda ham oddiy, yengil tartibi o’rnatilgan. Ularni hujjatlashtirish ishlari bitta (organda) tashkilotda- Davlat savdo-sanoat bosh boshqarmasida amalga oshiriladi.
2-jadval