O`zbekistonda quroldan foydalanish mumkinmi? Raximov Ulug’bek Ibragimovich

O`ZBEKISTONDA QUROLDAN FOYDALANISH MUMKINMI?

Raximov Ulug’bek Ibragimovich

Podpolkovnik, Chirchiq oliy tank

qo‘mondonlik – muhandislik bilim yurti
Dunyoning ko`plab mamlakatlarida fuqarolarning qurol olib yurishiga ruxsat berilgan. Hatto ayrim mintaqalarda qurol-yarog` oldi-sotdisi bilan shug`ullanuvchi do`konlar ham faoliyat ko`rsatadi. Ma`lumotlarga ko`ra, birgina AQSh fuqarolari o`zini himoya qilish uchun bir yilda 2 milliondan ortiq marta o`q otar qurollardan foydalanar ekan.

2019 yilning 29 iyul kuni Prezidentimiz Shavkat Mirziyoyev tomonidan O`zbekiston Respublikasining “Qurol to`g`risida”gi qonuni imzolandi. Ijtimoiy tarmoqlarda mazkur qonun Oliy Majlis Senati tomonidan qabul qilingandan so`ng aholi o`rtasida turli munozaralarga sabab bo`ldi. Ular bu qonun bizga kerakmi, kimlarga qurol bilan muomala qilishga ruxsat beriladi, bu faoliyatni qaysi organ nazorat qiladi, kabi savollar bilan chiqishdi.

Mutaxassislarning fikriga ko`ra, “Qurol to`g`risida”gi qonunni qabul qilishdan maqsad mamlakatimiz hududida qurol va uning o`q-dorilari muomalasi bilan bog`liq munosabatlarni tartibga solish, fuqarolarning hayoti va sog`lig`ini, mulkini himoya qilishga hamda jamoat xavfsizligini ta`minlashga qaratilgan.