POLIETILEN
Polietilen past Haroratda (110-130℃) yumshaydigan termoplastik polimer bo`lib, xona sharoitida erituvchilarda erimaydi. Aromatik va xlorlangan uglevodorodlarda 70℃ dan yuqori xaroratda bo`kadi va eriydi. Polietilen kontsentrlangan kislota va ishqorlar, tuzlarning suvdagi eritmalari ta`siriga xam chidamli. Atmosfera ta`siriga xamda issiqlikda oksidlanishga chidamliligini oshirish maqsadida polimer tarkibiga turli xil stabilizator-antioksidantlar qo`shiladi. Polietilen radiotexnikada va televizor qismlarini olishda elektroizolyatsiya materiali sifatida, korroziyaga chidamli qoplamlar, turli maqsadlarda ishlatiluvchi plenkalar, idishlar olishda, qoqoz, yog’och, matolarni shimdirishda va x.k. ishlatiladi. Mexanik va fizik-kimyoviy xususiyatlarini yaxshiligi, qayta ishlashning osonligi xamda arzonligi dunyo bo`yicha ishlab chiqarilayotgan sintetik polimerlar orasida polietilenni birinchi o`ringa chiqib olishiga sabab bo`ldi. xozirgi kunda polietilen yuqori bosimda, past bosimda, o`rta bosimda, ishlab chiqariladi.
Do'stlaringiz bilan baham: |