Portlash Yonish xavfi bor kimyo, neft kimyo va neft gazni qayta ishlash korxonalari uchUN PORTlash XAVFSIZLIGINING UMUMIY QOIDALARINI TASDIQlash to‘G‘risida

VI bob. Texnologik jarayonlarni nazorat qilish, boshqarish, signalizatsiya va avariyaga qarshi avtomatik himoya qilish tizimlari.
§ 1. Umumiy talablar.
196. Texnologik jarayonlarni nazorat qilish, avtomatik va masofadan boshqarish tizimlari, avariyaga qarshi avtomatik himoya (AQAH) tizimlari, shuningdek avariya vaziyatlari to‘g‘risida aloqa va xabar berish (aloqa va xabar berish) tizimlari, shu jumladan asbob-uskunalar bilan komplekt yetkazib beriladiganlar ushbu Qoida, amaldagi me’yoriy-texnik hujjatlar, loyiha, reglamentlar talablariga javob berishi va texnologik parametrlarni berilgan aniqlikda ushlab turishni, texnologik jarayonlarni ishonchli va xavfsiz olib borishni ta’minlashi kerak.
197. Ishonchlilik, tez ishga tushuvchanligi, o‘lchash tizimlarini ruxsat berilgan xatoligi va boshqa texnik tavsifi bo‘yicha nazorat, boshqarish va AQAH, shuningdek A va XB (SiO) tizimlarini tanlash texnologik jarayonning xususiyatlari hisobi va obyektlarga kiradigan texnologik bloklarning portlash xavfliligi toifasiga bog‘liq holda tanlanadi.
198. Avariyaga qarshi optimal avtomatik himoya vositalari va uslublari, texnologik obyektlarining xavfliligi, bo‘lishi mumkin bo‘lgan avariya vaziyatlarini yuz berishi va rivojlanish sharoitlari, texnologik jarayonlar va apparaturalar bilan ta’minlanishi tahlil asosida tanlanadi. AQAH tizimlari uchun vositalarni ratsional tanlash ularni ishonchliligi, tez ishga tushuvchanligi va shu kabilarni hisobga olgan holda amalga oshiriladi.
199. Ishlab chiqarish binolari va tashqi qurilmalarining portlash xavfi bor joylarda nazorat, boshqarish va AQAH, shuningdek aloqa va xabar berish tizimlari elementlarini va elektr vositalarini joylashtirish, portlashdan himoya darajasi elektr moslamalarni tuzilishi bo‘yicha me’yoriy hujjatlar talablariga mos bo‘lishi kerak.
200. Portlash xavfi bor binolarda, ularga kirish eshiklari oldidan tashqarida havo muhitining gazlanganligi to‘g‘risidagi yorug‘lik va tovushli signalizatsiya vositalari nazarda tutiladi.
201. Avariya vaziyatlarini to‘xtatish rejasi bo‘yicha foydalaniladigan avtomatik vositalar texnologik reglamentga muvofiq belgilanishi kerak.
202. Nazorat, boshqarish va AQAH, shuningdek aloqa va xabar berish tizimlari, ularning funksional vazifasi, himoyaning o‘rnatma o‘lchamlari (kattaliklari), nazorat qilinadigan parametrlarning kritik qiymatlari aniq aks ettirilgan tegishli yozuvlarni yozish bilan markalanadi.
203. Nazorat, boshqarish va AQAH, shuningdek aloqa va xabar berish tizimlarini joylashtirish, xizmat ko‘rsatish uchun xavfsiz va qulay joylarda amalga oshiriladi. Bu joylarda tizimning aniq, ishonchli va tez ishlashiga ta’sir etadigan vibratsiya, texnologik mahsulotlari bilan ifloslanish, mexanik va boshqa zararli ta’sirlarga yo‘l qo‘ymaslik kerak.
Bunda asbob-uskunalarni va quvurlarni germetikligini buzmasdan tizim va ularning elementlarini demontaj qilish vositalari va choralari nazarda tutiladi.