Pythonda satrlar bilan ishlash darsni olib borish texnologiyasi

DARSNING TEXNOLOGIK XARITASI

1. 
   Tashkiliy qism
   

Salomlashish, davomatni aniqlash.
II. Takrorlash
Uy vazifasi tekshiriladi, savol-javoblar uyushtiriladi.
III. Qiziqtirish (motivatsiya)

O‘quvchilarni dars mavzusi bilan qiziqtirish. Sinf doskasida sana, mavzu va qiziqtirish uchun savollar yoziladi. Har bir qatorga 1 tadan savol tashlanadi va bahs-munozara shaklida javoblar tahlil qilinadi.

1. Satr nima?
2. Satr orasidan qism satrni qirqib olish mumkinmi?
3. Satrning uzunligi qanday aniqlanadi?

Yangi mavzudan oldin o‘quvchilarning shu mavzuga oid bilimlari aniqlab olinadi.

IV. Mavzuni tushuntirish
Mavzu yuzasidan asosiy ma’lumotlar beriladi. Yangi mavzu www://dr.rtm.uz sayti yoki QR-kod orqali yuklab olingan taqdimot va videolar yordamida taqdim etiladi. O‘qituvchi o‘quvchilarga satr, qism satr, satr uzunligi haqida ma’lumot beradi. Taqdimot yordamida darslikning 65–66-betlaridagi ma’lumotlar tushuntirib beriladi.
O‘quvchilar, o‘z navbatida, diqqat bilan eshitib, mavzu haqida yangi bilimlarga ega bo‘ladi. Shuningdek, satrlar haqidagi asosiy tushunchalar hamda eslab qoling bloklarini daftarlariga yozib oladi.

V. Mavzuni mustahkamlash

Mavzuni mustahkamlash uchun “O‘yla, izla, top” metodidan foydalaniladi. O‘quvchilar 5 ta kichik guruhga bo‘linadi. Har bir guruhga 67-betdagi savol va topshiriqlarda berilgan 1–5-savollarga javob yozish topshirig‘i beriladi.
O‘quvchilar darslik, qo‘shimcha manbalar va internet yordamida savollarga javob yozadi. Amalga oshirgan ishlari bo‘yicha har bir guruh o‘z taqdimotini tayyorlaydi. Guruh taqdimoti muhokama qilinadi.

VI. Baholash

O‘quvchilarning kichik guruhlarda bajargan taqdimotlari baholanadi. O‘qituvchi darsdagi faolligi hamda savol-javoblardagi ishtirokiga qarab o‘quvchilarni baholaydi.

Baholash	Baho	Sana
Sinf jurnali	“5” – a’lo “4” – yaxshi “3” – qoniqarli “2” – qoniqarsiz
O‘quvchi kundalik daftari
www.kundalik.uz

VII. Mavzuni xulosalash

Mavzu bo‘yicha yakunlovchi xulosalar qilinadi. O‘quvchilar tinglab, o‘z fikrlarini aytadi.

VIII. Uy vazifasini berish

Uy vazifasi — 67-betdagi uy vazifasida berilgan mashqlarni bajarish.

IX. Refleksiya

Refleksiya kartochkalari yordamida darsning borishi, o‘quvchilar tomonidan tushunilishi va ular qiziqishi aniqlanadi.
O‘quvchilar dars haqidagi fikrlarini beradi va o‘z faoliyatlarini baholaydi.