O‘ZBEKISTON RESPUBLIKASI VAZIRLAR MAHKAMASINING
QARORI
UMUMIY O‘RTA VA O‘RTA MAXSUS TA’LIM MUASSASALARI REYTINGINI
ANIQLASH CHORA-TADBIRLARI TO‘G‘RISIDA
“Ta’lim to‘g‘risida”gi O‘zbekiston Respublikasining
Qonuni
, O‘zbekiston Respublikasi
Prezidentining “O‘zbekistonning yangi taraqqiyot davrida ta’lim-tarbiya va ilm-fan sohalarini
rivojlantirish chora-tadbirlari to‘g‘risida” 2020-yil 6-noyabrdagi PF-6108-son
Farmoni
hamda
“Iqtidorli yoshlarni saralab olish tizimi va akademik litseylar faoliyatini takomillashtirish chora-
tadbirlari to‘g‘risida” 2020-yil 3-dekabrdagi PQ-4910-son
qaroriga
muvofiq ta’lim muassasalari
reytingini aniqlash tartibini takomillashtirish maqsadida Vazirlar Mahkamasi qaror qiladi:
1. Ta’lim muassasalari reytingini aniqlashning maqsad va vazifalarini, uni aniqlashga oid
ma’lumotlar bazasini shakllantirish, ijtimoiy so‘rovnomalar va nazorat ishlarini o‘tkazish,
natijalarini hisoblash va e’lon qilish, mas’ul xodimlar faoliyatini baholashni amalga oshirishning
tashkiliy tartibotlarini nazarda tutuvchi:
Umumiy o‘rta ta’lim muassasalari reytingini aniqlash tartibi to‘g‘risidagi nizom
1-ilovaga
muvofiq;
Akademik litseylar reytingini aniqlash tartibi to‘g‘risidagi nizom
2-ilovaga
muvofiq
tasdiqlansin.
2. Belgilab qo‘yilsinki:
umumiy o‘rta ta’lim muassasasi direktori, uning o‘rinbosarlari, pedagog xodimlari
faoliyatiga baho berish belgilangan tartibda tasdiqlangan ta’lim muassasalari reytingini aniqlash
mezonlari asosida hisoblangan natijalarga muvofiq amalga oshiriladi;
Qoraqalpog‘iston Respublikasi Vazirlar Kengashi Raisi, viloyatlar va Toshkent shahar,
tuman (shahar) hokimlari hamda ularning ta’lim va tarbiya masalalari bo‘yicha maslahatchilari
faoliyatiga baho berishda reyting natijalari bilan birga inobatga olinadi;
akademik litseylar faoliyatining samaradorligi bo‘yicha monitoring yuritiladi, reyting
ko‘rsatkichlari past bo‘lganlariga nisbatan O‘zbekiston Respublikasi Oliy va o‘rta maxsus ta’lim
vazirligi tomonidan tegishli chora-tadbirlar belgilanadi va amalga oshiriladi.
3. O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish
davlat inspeksiyasi har yili 1-sentabrga qadar:
Xalq ta’limi vazirligi bilan birgalikda tumanlar (shaharlar) hamda Qoraqalpog‘iston
Respublikasi, viloyatlar va Toshkent shahri kesimida umumiy o‘rta ta’lim muassasalari reytingini;
Oliy va o‘rta maxsus ta’lim vazirligi bilan birgalikda akademik litseylar reytingini e’lon
qilsin.
4. O‘zbekiston Respublikasi Hukumatining
3-ilovaga
muvofiq ayrim qarorlariga
o‘zgartirish va qo‘shimchalar kiritilsin.
5. Vazirlar Mahkamasi huzuridagi Ta’lim sifatini nazorat qilish davlat inspeksiyasi
manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni
bir oy muddatda ushbu qarorga muvofiqlashtirsin.
6. Mazkur qarorning bajarilishini nazorat qilish O‘zbekiston Respublikasi Bosh vazirining
ijtimoiy rivojlantirish masalalari bo‘yicha o‘rinbosari B.A. Musayev hamda Vazirlar Mahkamasi
huzuridagi Ta’lim sifatini nazorat qilish davlat inspeksiyasi boshlig‘i U.N. Tashkenbayev
zimmasiga yuklansin.