Qiziriq tumanida yuridik va jismoniy shaxslarning qishloq xoʼjaligiga moʼljallanmagan yerlariga 2022 yil uchun yer soligʼi stavkalarini belgilash haqida

Qiziriq tumanida yuridik va jismoniy shaxslarning qishloq xoʼjaligiga moʼljallanmagan yerlariga 2022 yil uchun yer soligʼi stavkalarini belgilash haqida

Oʼzbekiston Respublikasi Soliq kodeksining 429 va 437-moddalariga asosan Qiziriq tumanida yuridik va jismoniy shaxslarning qishloq xoʼjaligiga moʼljallanmagan yerlariga 2022-yil uchun yer soligʼi stavkalarini tasdiqlash yuzasidan berilgan hisobot va takliflarini xalq deputatlari tuman Kengashining mahalliy budjet, iqtisodiy islohotlarni amalga oshirish, turizm, investitsiyalar va tadbirkorlikni rivojlantirish masalalari bo‘yicha doimiy komissiyasida tinglashda bildirilgan fikr-mulohazalardan kelib chiqib, “Mahalliy davlat hokimiyati to‘g‘risida”gi O‘zbekiston Respublikasi Qonunining 6 va 24-moddalariga muvofiq, xalq deputatlari Qiziriq tumani Kengashi qaror qiladi:

1. Tuman davlat soliq inspektsiyasi boshligʼi R.Sattarovning Oʼzbekiston Respublikasi Soliq kodeksining 429 va 437-moddalariga asosan Qiziriq tumanida yuridik va jismoniy shaxslarning qishloq xoʼjaligiga moʼljallanmagan yerlariga 2022 yil uchun yer soligʼi stavkalarini tasdiqlash yuzasidan bergan hisoboti va taklifi maʼlumot uchun qabul qilinsin.

2. Oʼzbekiston Respublikasi Soliq kodeksi bilan belgilangan soliq stavkalari asosida (yuridik va jismoniy shaxslarning) qishloq xoʼjaligiga moʼljallanmagan yerlar uchun mahallalar kesimida belgilangan yer soligʼi bazaviy stavkalariga qoʼllaniladigan koeffitsentlar ilovaga muvofiq tasdiqlansin.
3. Tuman Moliya boʼlimi (I.Tilovmurodov), tuman Davlat soliq inspektsiyasi (R.Sattarovga)ga yer soligʼining amaldagi stavkalariga 1,07 baravargacha indeksatsiya qilinishi boʼyicha taklif kiritilganligi (yuridik va jismoniy shaxslarning) qishloq xoʼjaligiga moʼljallanmagan yerlar uchun mahallalar kesimida, ularning iqtisodiy rivojlanishiga qarab yer soligʼi stavkasiga 0,5 dan 2,0 gacha kamaytiruvchi va oshiruvchi koeffitsientlarni qoʼllagan holda yer soligʼi stavkalari belgilanganligi yuzasidan ommaviy axborot vositalari bilan hamkorlikda press klublar va turkum chiqishlarni amalga oshirish hamda aholi orasida tushuntirish ishlari tashkil etish;
belgilangan yer soligʼi stavkalariga (yuridik va jismoniy shaxslarning) qishloq xoʼjaligiga moʼljallanmagan yerlar uchun tuman hududida joylashgan daha, mavze, mahalla, koʼcha kesimida 0,7 dan 3,0 gacha kamaytiruvchi va oshiruvchi koeffitsientlar qoʼllanishini taʼminlash;
elektr uzatish liniyalari, umumdavlat aloqa liniyalari, umumiy foydalanishdagi temir yoʼllar, elektr taʼminoti qurilmalari, magistral neft va gaz quvurlari hamda shunga oʼxshash inshootlar band etgan yerlar uchun tumanda oʼrtacha soliq stavkasi asosida soliq organi tomonidan belgilanishi va 5 yanvargacha soliq toʼlovchilarga yetkazilishini taʼminlash;
jismoniy shaxslarning yer maydonlari uchun olinadigan yer soligʼi (turistik zonalarda joylashgan yer uchastkalaridan tashqari) summasi 2021-yil uchun hisoblangan soliq summasining 1,3 baravaridan oshmasligini nazoratga olish;
yuridik va jismoniy shaxslar tomonidan mavjud yer maydonlari uchun hisoblangan yer soliqlarini oʼz vaqtida va toʼliq toʼlab borishlarini nazoratga olish;
yuridik va jismoniy shaxslarga hisoblangan yer soligʼi va undirilgan soliqlari toʼgʼrisida xalq deputatlari tuman Kengashiga axborot berib borish vazifasi yuklatilsin.
4. Tuman hokimligi axborot xizmati (А.Boʼriyev) va “Taraqqiyot” gazetasi (Ch.Аlimovga)ga tuman Kengashi deputatlari bilan hamkorlikda mazkur loyihalarni amalga oshirishdan maqsad va uning tuman iqtisodiyotini yuksaltirishdagi afzalliklari toʼgʼrisida ommaviy axborot vositalari va internet tarmoqlarida keng yoritib borish tavsiya etilsin.
5. Ushbu qarorning ijrosini nazorat qilish xalq deputatlari tuman Kengashining mahalliy budjet, iqtisodiy islohotlarni amalga oshirish, turizm, investitsiyalar va tadbirkorlikni rivojlantirish masalalari boʼyicha doimiy komissiyasi (Yu.Umbarov) va tuman hokimining birinchi oʼrinbosari I.Yarmatov zimmasiga yuklatilsin.

Ilova

Qiziriq tumanidagi mahalla va qishloq fuqarolar yigʼinlari boʼyicha yuridik va jismoniy shaxslar uchun belgilangan yer soligʼi bazaviy stavkalariga qoʼllaniladigan koeffitsentlar

№