|
Iqtisodiyotni yanada rivojlantirish va liberallashtirish” yo’nalishi bo’yicha amalga oshilayotgan ishlar
Toshkent viloyati Parkent tumanining ishlab chiqarish salohiyati va mehnat resurslaridan oqilona foydalanish, sanoat, qishloq xo‘jaligi va xizmat ko‘rsatish hamda oilaviy tadbirkorlikni rivojlantirish, bo‘sh turgan va qurilishi tugallanmagan bino va inshootlar hamda yer maydonlaridan samarali foydalanish, yo‘l bo‘yi infratuzilmasi imkoniyatlaridan to‘liq foydalangan holda servis va xizmat ko‘rsatish bo‘yicha istiqbolli loyihalarni amalga oshirish orqali aholining, xususan, xotin-qizlar, yoshlar va kam ta’minlangan fuqarolar bandligini ta’minlash, aholi daromadlari va turmush darajasini oshirish, muhandislik-kommunikatsiya infratuzilmasi va ijtimoiy infratuzilmani yanada yaxshilash maqsadida:
1. Quyidagilardan iborat 2021-2022-yillarda Toshkent viloyatining Parkent tumanini kompleks ijtimoiy-iqtisodiy rivojlantirish chora-tadbirlari dasturi (keyingi o‘rinlarda — Dastur):
2021-2022-yillarda Toshkent viloyatining Parkent tumanini kompleks ijtimoiy-iqtisodiy rivojlantirish chora-tadbirlari dasturining maqsadli parametrlari va moliyalashtirish
Parkent tumanida muhandislik-kommunikatsiya, ishlab chiqarish va xizmat ko‘rsatish infratuzilmasini rivojlantirish bo‘yicha kompleks tadbirlar;
Parkent tumanida irrigatsiya va melioratsiya obyektlarini rekonstruksiya qilish, ta’mirlash-tiklash hamda suvni tejaydigan texnologiyalarni joriy etish tadbirlari;
Parkent tumanida ijtimoiy soha obyektlarining moddiy-texnik bazasini mustahkamlash, xizmatlar sifati hamda qamrovini oshirish bo‘yicha kompleks tadbirlar;
Parkent tumanida jinoyatchilikka qarshi kurashish, huquqbuzarliklar profilaktikasi va jamoat xavfsizligini ta’minlash, axborot-kommunikatsiya texnologiyalaridan foydalangan holda “Xavfsiz hudud” apparat-dasturiy kompleksini joriy etish bo‘yicha chora-tadbirlar rejasi tasdiqlandi va hozirda amalga oshirilmoqda.
2018-yilda Hudud iqtisodiyotining barcha tarmoqlarida yaratilgan yalpi qo’shilgan qiymat (YaQQ) hajmi umumiy YaHMning 94,0 %ini, mahsulotlarga sof soliqlar esa, 6,0 %ini tashkil etdi.
Qishloq, o’rmon va baliq xo’jaligi YaHMning tarmoqlar bo’yicha tarkibidagi ulushi 2,0 % punktga kamaydi va hisobot yilida 32,5 %ni tashkil etdi. Sanoat (qurilishni qo’shgan holda) tarmog’ining ulushi 6,1 % punktga o’sdi va 43,7%ni tashkil etdi. Xizmatlar sohasining YaHM tarkibidagi ulushi 23,8%ni tashkil etdi va yanvar-dekabr 2017 yil (27,9 %) bilan taqqoslanganda 4,1% punktga kamaydi.
2019 yilning yanvar-iyun oyida Parkent tumanida 5413 ta korxonalar va tashkilotlar yangi tashkil etilib, viloyatda ularning soni 35051 taga yetdi. 2019 yil 1 iyul holatiga 29550 ta faoliyat ko‘rsatayotgan tijorat korxonalari hisobga olingan bo‘lib, shundan 29284 tasi yoki 99,1 foizi kichik biznes sub’yektlarini tashkil etadi. Iqtisodiy faoliyat turlari bo‘yicha jami faoliyat ko‘rsatayotgan kichik biznes sub’yektlarining umumiy soniga nisbatan 27,8% savdo, 22,8 % sanoat, 12,4 % qishloq va o‘rmon xo‘jaligi, 9,1 % yashash va ovqatlanish bo‘yicha xizmatlar 8,7 % qurilish, 4,2 % tashish va saqlash, 1,6% sog‘liqni saqlash va ijtimoiy xizmatlar, 1,4 % axborot va aloqa hamda
12,0 % boshqa faoliyat turlari hissasiga to‘g‘ri keladi. 2019 yil 1 iyul holatiga faoliyat ko‘rsatayotgan xorijiy kapital ishtirokidagi korxonalar soni 987 tani tashkil etdi. O‘tgan yilning shu davriga nisbatan 292 taga yoki 42,0 % ga o‘sgan. Shuningdek xorijiy kapital ishtirokidagi faoliyat ko‘rsatayotgan esa xorijiy korxonalar hisoblanadi. Iqtisodiy faoliyat turlari kesimida faoliyat ko‘rsatayotgan xorijiy kapital ishtirokidagi korxonalarning 576 tasi - sanoat, 151 tasi - savdo, 89 tasi - qishloq, o‘rmon va baliq xo‘jaligi, 34 tasi - qurilish, 18 tasi - tashish va saqlash, 15 tasi - yashash va ovqatlanish bo‘yicha xizmatlar sohasi, 10 tasi - sog‘liqni saqlash va ijtimoiy xizmatlar ko‘rsatish, 3 tasi - axborot va aloqa sohasi, shuningdek 91 tasi - boshqa faoliyat turlari hissalariga to‘g‘ri keladi. Faoliyat ko‘rsatayotgan xorijiy kapital ishtirokidagi korxonalarning asosiy ulushi Xitoy Xalq Respublikasiga - 26,1 %, Rossiya Federatsiyasiga - 14,4 %, Turkiya Respublikasiga - 11,6 %, Qozog‘iston Respublikasiga - 9,3 % va Janubiy Koreyan Respublikasiga - 7,7 % to‘g‘ri keladi.
“
Do'stlaringiz bilan baham: |
