Qoplama hosil qiluvchi polimerlar texnologiyasi

LOK-BO’YOQ MATERIALLARI VA QOPLAMALARINING

BELGILANISHI

Har qanday lok-bo’yoq materiallariga so’z, harflar va raqamlardan iborat bo’lgan nomlanish va belgilash beriladi. Loklarning belgilanishi 4 ta, pigmentlangan lok-bo’yoq materiallari belgilanishi besh guruhdan iborat:

1 guruh - lok-bo’yoq materiali turi, lok, bo’yoq, emal, gruntovka, shpatlevka so’zi bilan belgilanadi;

2 guruh – qoplama hosil qiluvchi modda turi (smolalar, tsellyuloza efirlari va sh.o’.), ikki dona harf bilan belgilanadi;

3 guruh - lok-bo’yoq materiallari ekspluatatsiya sharoiti, 1 ta raqam bilan belgilanadi (1, 2 va sh.o’.) ;

4 har bir lok-bo’yoq materialiga berilgan tartib raqami, bitta, ikkita yoki uchta raqam bilan belgilanadi;

5 guruh – emal, bo’yoq, gruntovka va shpatlevka rangi, to’liq so’z bilan belgilanadi, ba’zi hollarda (bir xil rangning tuslanishida) tartib raqami qo’shiladi, - masalan, yashil-1, yashil-2 va sh.o’.

O’z tarkibida faqat bitta pigment tutgan moyli va alkid bo’yoqlarning 1-chi guruh bo’yicha belgilanishida “bo’yoq” so’zi o’rniga pigment nomi ko’rsatiladi, masalan6 mo’miyo, rux belilasi va sh.o’.