“Sanoqli kunlarda Allohni zikr qilingiz!” (Baqara surasi, 203-oyat). Mufassirlar bu "sanoqli kunlarni" tashriq kunlari deydilar.
Iyd kuni namozga chiqib ketilayotganda ham ushbu takbirlarni aytish mustahab hisoblanadi. Abu Hanifa rahmatullohi alayhiga ko‘ra, bu takbirlarni tovushni ortiqcha baland ko‘tarmasdan har kim o‘zicha aytib yurishi lozim. Negaki, takbir duo va zikr hisobidadir. Duo va zikr esa muloyimlik bilan aytiladi. Ammo “Bu takbirlar hayit va tashriq kunlari ko‘cha-ko‘ylarda, bozorlarda va tanish-bilishlar bilan uchrashganda tovushni ko‘tarib aytiladi”, degan qavllar ham bor.
Iydul-Azhoning birinchi kuni doxil tashriq kunlarida ro‘za tutish man etiladi. Chunki bu kunlar yeb-ichib, chinakam bayram qilinadigan kunlardir. Nubaysha al-Huzaliy raziyallohu anhudan rivoyat qilinadi: Rasululloh sollallohu alayhi vasallam marhamat qilib dedilar: “Tashriq kunlari yeyish-ichish va Allohni zikr qilish kunlaridir!”(“Sahihi Muslim”).
Do'stlaringiz bilan baham: |