Reja. Beton qorishmasini joylash usullari

20-Mavzu. Beton qorishmasini joylash

Reja.

1.Beton qorishmasini joylash

2.Beton qorishmasini joylash usullari
Betonlash ishlarini boshlashdan avval qolip, armaturalar, biriktirish qismlari,

ankerli boltlar va shu kabilarning loyihaga mosligi tekshirilib, tegishli akt bilan

rasmiylashtiriladi. Yog‘och qoliplar beton qo‘yilishidan 1 soatlar avval yaxshilab

namlanadi, tirqishlari berkitiladi. Qolipning betonga tegadigan qismlari moylanadi

yoki polimer materiallari bilan qoplanadi. Ankerli boltlarning rezbali qismiga solidol surib qo‘yiladi. Beton qorishmasini joylashtirishga qo‘yiladigan asosiy texnologik talab betonlanayotgan konstruksiyaning yaxlitligi va beton qorishmasini zichligini ta’minlashdan iborat. Joylashtirish jarayonida beton qorishmasining erkin tushish balandligi oddiy betonlar uchun 3 m dan, yirik g‘ovakli betonlar uchun 1 m dan ortib ketmasligi kerak. Temirbeton konstruksiyalarning yaxlitligini ta’minlash uchun

betonlash ishlarini to‘xtovsiz olib borish kerak. Lekin, ko‘pchilik hollarda bunga

imkon bo‘lmaydi va ishchi choklari qo‘yiladi. Ishchi choklari konstruksiya

mustahkamligiga sezilarli ta’sir ko‘rsatmaydigan joylarga (hisobiy moment

epyurasining nol nuqtalariga) qo‘yiladi. Ishchi choklari vertikal elementlarda

(ustunlar) gorizontal, gorizontal elementlarda (to‘sin plita) vertikal bo‘lishi kerak.

Kesimi 0,4x0,4 m dan kam bo‘lgan ustunlar, qalinligi 0,15 m dan kam bo‘lgan

parda devorlar va kesishadigan xomutli istalgan kesimli ustunlar to‘xtovsiz,

balandligi 2 m dan oshmaydigan uchastkalarga bo‘lib betonlanadi. Balandligi 5 m

gacha, kesimi kamida 0,4x0,4 m bo‘lgan ustunlar butun balandligi bo‘yicha

(uchastkalarga bo‘lmasdan) beton qorishmasini yuqoridan tushirib betonlanadi.

Balandligi 5 m dan ortiq bo‘lgan ustunlar esa pastki qismidan toki 5 m masofa

qolguncha uchastkalarga bo‘lib (qatlamlab) betonlanadi. Qurilish me’yorlariga

asosan to‘xtovsiz betonlash balandligi ustunlar uchun ko‘pi bilan 5 m ni, devor va

parda devorlar uchun 3 m ni tashkil etadi (11.3-rasm).