Reje: Minnetleme tu`sinigi; Minnetlemelerdin` tu`rleri; Minnetlemelerdi ori`nlawdi` ta`miyinlew Minnetleme tu`sinigi

Minnetlemelerdi ori`nlawdi` ta`miyinlew
Minnetlemelerdi ori`nlawdi` ta`miyinlew dep qari`zdar ta`repinen ali`ng`an ha`m oni`n moyni`nda bolg`an wazi`ypani` ori`nlawg`a ma`jbu`rleytug`i`n sharag`a ayti`ladi`. Bunday shara ni`zam ya`ki sha`rtnamag`a muwapi`q tiykarg`i` minnetlemege qosi`msha etip belgilenedi. Minnetleme ori`nlani`wi`n ta`miyinlewdin` ma`nisi sonnan ibarat, qari`zdar moyni`nda bolg`an minnetleme belgilengen mu`ddette ori`nlamasa ya`ki basqasha ta`rizde buzi`lsa, kreditorda zi`yanlardi` o`ndiriwge bolg`an huqi`qtan ti`sqari` minnetlemenin` obiektin qurag`an ha`reketti islewge qari`zdardi` ma`jbu`rleytug`i`n basqa mu`lklik ta`sir sharalardi` qosi`msha ra`wishte qollani`li`wi`n talap etiw huq`i`qi` payda boladi`.
Minnetlemelerdin` ori`nlani`wi`ha`r qi`yli` usi`l menen ta`miyinlenedi. Usi` usi`llar ya ni`zam menen belgileniwi, ya`ki sha`rtnamag`a tiykarlang`an boli`wi` mu`mkin. Neustoyka ni`zam hu`jjetleri ya`ki sha`rtnama menen belgilengen qari`zdar minnetlemeni ori`nlamag`an ya`ki lazi`m da`rejede ori`nlamag`an jag`dayda kreditorg`a to`lewi sha`rt bolg`an pul summasi` esaplanadi` (PK 260-statya). Neustoyka ja`riyma ha`m penya formasi`nda boladi`. Ja`riyma menen penya ortasi`nda au`lken pari`q joq.
O`zbekstan Respublikasi` Puqarali`q Kodeksinin` 264-statyasi`na muwapi`q, bir shaxsti`n` basqa shaxsqa mal-mu`lkti ya`ki og`an bolg`an huqi`qti` minnetlemelerdi ta`miyinlew ushi`n beriwi girew esaplanadi`. Qari`zdarg`a ya`ki qari`zdar ko`rsetken shaxsqa tapsi`ri`li`wi` lazi`m bolg`an zatti` saqlap ati`rg`an kreditor usi` zat haqi`n ya`ki ol menen baylani`sli`shi`g`i`mlar ha`m basqa zi`yandi` kreditorg`a to`lew minnetlemeleri qari`zdar ta`repinen mu`ddetinde ori`nlanbag`an jag`dayda og`an tiyisli minnetleme ori`nlang`ang`a shekem uslap qali`wg`a haqi`li`. Zakalat dep sha`rtnama du`zip ati`rg`an ta`replerden biri sha`rtnamani`n` du`zilgenin da`liyllew ha`m oni`n` ori`nlani`wi`n ta`miyinlew ju`zesinen beretug`i`n pul summasi` esaplanadi`. Zakalat haqqi`ndag`i` kelisim oni`n` summasi`na qaramastan, jazba ra`wishte du`ziliwi kerek.
Kepillik minnetlemeler ori`nlani`wi`n ta`miyinlewdi`n ayri`qsha tu`ri boli`p ol kepillik haqqi`ndag`i` sha`rtnama tiykari`nda ju`zege keledi. Kepillik sha`rtnamasi`na tiykar bir ta`rep kepil, basqa shaxs o`z minnetlemeleri ju`zesinen oni`n` kreditori` aldi`nda juwap beriwdi o`z moyni`na aladi`.