Required: Analyse this situation and its possible outcomes using

3.2-мәселе
Аудиторлық тексериўи өткерилетуғын хожалық субъектинде аудиторлардың бириниң жақын туўысқаны курьер ўазыйпасында хызмет етеди.
Талап етиледи:
Аудиторлық шөлкеми бул жағдайда қандай жол тутыўын түсиндирип бериң.
3.3-мәселе
Аудиторлық шөлкеминиң клиенти болған хожалық субъекти банк кредитин алып атырғанда оған кепиллик бериўди сорап хабарласты.
Талап етиледи:
Аудиторлық шөлкеми бул жағдайда қандай жол тутыўын түсиндирип бериң.
3.4-мәселе
Аудиторлық тексериўи ўақтында аудитор тексерилип атырған хожалық субъекти басқа бир хожалық субъектин сатып алыў нийети бар екенлигин анықлады. Егер бул реже әмелге асса тексерилип атырған хожалық субъекти акцияларының базар баҳасы көтериледи. Аудитор дәлдалшы арқалы өзи тексерип атырған хожалық субъектиниң акцияларын сатып алды.
Талап етиледи:
1. Бул жағдайда аудитор өзиниң кәсиплик миннетин бузбады ма?
2. Бул жағдайда аудитор шәртнама талапларын бузбады ма?
3.5-мәселе
Өткен жылда өткерилген аудиторлық тексериўи бойынша өз хызмет ҳақысын алмаған аудиторлық шөлкеми келеси жылда да усы кәрханада аудиторлық тексериўин өткериў бойынша шәртнама имзалады. Бирақ аудиторлық шөлкеми алдынғы шәртнама бойынша өз хызмет ҳақысын алмағанша жумыс басламаўын клиентке билдирди. Хожалық субъектиниң басшысы егер де өз ўақтында аудиторлық жуўмағын алса ҳәм бул жуўмақ унамлы болса кәрхана шеттен инвестиция алыўын ҳәм сонда ғана аудиторлық шөлкемине барлық өз қарызларын төлеп бериўин билдирди.
Талап етиледи:
Аудиторлық шөлкеми бул усынысты қабыл етсе қандай машқалаларға дус келеди?
3.6-мәселе
Хожалық субъекти келеси аудиторлық тексериўин тезлестириў мақсетинде ағымдағы жылда аудиторлық тексериўин өткерген аудиторлық шөлкеминен тексериўдиң иcши ҳүжжетлеринен нусқа сорады.
Талап етиледи:
1. Бул жағдайда аудитордың ғәрезсизлик принципи бузылмайдыма?
2. Аудиторлық шөлкеми бундай усынысқа қандай қатнаста болыўы керек?