Республикаси олий ва ўрта махсус таълим вазирлиги

Методик қиздириш печлари

Методик қиздириш печлари қора металлургия заводларида, машинасозлик ва бошқа заводларда металл қуймаларини ва ярим маҳсулотларни чиғирлаш ҳамда болғалашдан олдин қиздириш учун кенг қўлланилади. Бундай печлар стандарт буюмларни қиздириш учун мўлжалланган ва шунинг учун уларни узлуксиз ва кўп миқдорда маҳсулот ишлаб чиқаришда қўллаш қулай.

Бу расмда металл қуймаларни чиғирлаб ёйишдан олдин қиздириш учун мўлжалланган методик печ кўрсатилган. У икки бўлимдан: юқори ҳароратлар бўлими ва иситиш бўлимидан иборат. Иситиш бўлимида ярим маҳсулот юқори ҳароратлар бўлимидан чиқадиган тутун газларининг иссиқлиги ҳисобига иситилади. Ёниш камерасида форсунка ёки ёқгичлар ўрнатилади; иситиш бўлими ёиш мосламаларига эга эмас.
Қиздирилаётган буюмлар печнинг туби бўйича ўрнатиладиган махсус йўналтирувчи таянчларда ҳаракатланади. Тутун газлари қарама-қарши йўналган бўлиб, буюмларни бир томондан қиздиради. Буўмлар йўналтирувчи таянчлар устида туртгичлар ёрдамида ҳаракатланиб, печнинг қарама-қарши томонидан 1200-1250 С гача қиздирилган ҳолда чиқади. Йирик ярим маҳсулотлар икки томондан қиздирилиши лозим, бунинг учун тутун газларини буюмнинг ҳам устидан, ҳам тагидан йўналтирилади. Бу ҳолда, пастки форсункалар ҳам ўрнатилади. Икки ёқлама қиздириш усулини қўллаш металлни қиздириш жараёнини кескин тезлаштиради ва хизматчиларни буюмни ағдариб туриш вазифасидан озод қилади. Бу расмда кўрсатилган печ юқори ҳароратли ва иситиш бўлимларидан ташқари буюмларни маълум ҳолатда тутиб туриш бўлимига эга. Бу бўлимда бумлар металл юзасининг ўзгармас ҳароратда қўшимча қиздирилади, натижада буюм ичидаги ва юзасидаги ҳароратлар тенглашади.
Икки ёқлама қиздириш пайтида ярим маҳсулот глиссад қувурлари деб аталувчи ва сув билан совитилувчи шиналар устида ҳаракатланади; шиналар ўз навбатида кўндаланг жойлашган қувурли конструкцияларга таянади. Ҳозирги пайтда бундай печларнинг металл қисмлари учун буғланишли совитиш усули қулай қўлланилади.
Шундай қилиб, методик печ ёниш камерасидан чиқувчи тутун газларининг иссиқлиги ярим маҳсулотларни олдиндан иситиш учун қўлланиладиган печларга мисол бўла олади. Печдаги газлар энталпиясининг фарқи катта қийматга эга. Рекуператорларда ҳавони ёки газсимон ёқилғини қиздириш йўли билан тутун газларининг бошланғич энталпиясини сезиларли даражада кўтариш мумкин. Печнинг технологик фойдали иш коээфициенти 60-65 фоизгача етиш мумкин.
Ёниш камерасидаги ҳарорат одатда 1400-1500 С га тенг бўлади, иситиш бўлимида эса 1300-1450 С дан то 1000-800 С гача пасаяди.