Sabzavotchilik, poliz mahsulotlari yetishtirish agrotexnologiyalari istiqbollari. Yetishtirilgan mahsulotlarni eksport qilish imkiniyatlari

Daraxtlar qator oralig‘i 4-10 metrgacha bo‗lgan bog’lardagi tuproqni 14-20 sm chuqurlikkacha yumshatish, begona o’tlarni yo’qotish uchun, bevosita daraxt tanasi atrofidagi tuproqqa 8-10 sm chuqurlikkacha ishlov berish va 10—15 sm chuqurlikdagi sug’orish jo’yaklarini olish uchun kultivatorlardan foydalaniladi. Bunday kultivatorlarning tishlari ramaga yerg yoppasiga ishlov beradigan tartibda o’rnatiladi. Bog’bop kultivatorlar bevosita daraxt tanasi atrofidagi tuproqni, uning ildizlariga zarar keltirmasdan yumshatish uchun maxsus buruluvchan seksiya bilan jihozlangan bo’ladi. Bog’bop kultivatorlar asosan tirkalma turda ishlab chiqariladi. SHu sababli, shoxlari past joylashgan bir qatordagi daraxtlar oralig’idagi tuproqqa ishlov berishda kultivatorni traktorning o’rtasiga nisbatan yon tomonga 3,2 m masofaga yana surib qo’yib ishlatish imkoni tug’iladi. Qatorlar orasidagi tuproqqa to’liq ishlov berish uchun, kultivator ikki marta (oldiga va orqasiga qaytib) yurib o’tishi kerak, chunki buruluvchan tish uning bir tomonida o’rnatilgan bo’ladi. SHu sababli, kultivatorning ishchi qamrov kengligini qatorlar oralig’ining yarmidan 30-40 sm ga kattaroq o’rnatish lozim. Qatorlar oralig’i tor bo’lsa, kultivatorning bir yurishida u erga ishlov berish mumkin, ammo bir qatordagi daraxtlar orasiga to’liq ishlov berilmaydi.