Семинар ўтказилди

Суд ва Мажбурий ижро бюроси билан ҳамкорликда семинар ўтказилди.

Жорий йилнинг 14 февраль куни фуқаролик ишлари Жомбой туманлараро суди раиси Ж.Файзуллаев ва МИБ Жомбой туман бўлими бошлиғи Н.Ганиев ҳамда Жомбой туман прокуратураси ходимлари иштирокида суд қарорларининг ижроси юзасидан семинар ўтказилди.
Семинарда, Ўзбекистон Республикаси Президентининг “Одил судловга эришиш имкониятларини янада кенгайтириш ва судлар фаолияти самарадорлигини оширишга доир қўшимча чора-тадбирлар тўғрисида”ги ПФ-11-сонли Фармони билан тасдиқланган 2023 – 2026 йилларга мўлжалланган суд тизимини сифат жиҳатидан янги босқичга олиб чиқишнинг қисқа муддатли стратегиясида белгиланган Суд қарорларининг қатъий ижросини таъминлаш, бу борада давлат органлари ва маҳаллий ҳокимликларнинг масъулиятини ошириш каби устувор вазифалари юзасидан фикр алмашиниб, қолдиқ ижро ҳужжатларининг ижросини доимий назоратга олиб бориш белгиланди.

Суд раиси Ж.Файзуллаев томонидан маълумот ўрнида суд томонидан 2020-2022 йиллар ҳамда 2023 йилнинг шу даврида ахборот тизими орқали юборилган ижро ҳужжатларининг аҳволи ҳақида қисқача маълумот берди.
Бундан ташқари, семинарда қолдиқ ижро ҳужжатларининг ижросини тўлиқ таъминлаш бўйича ижро органи билан ҳамкорликда тегишли чора-тадбирлар белгиланиб, келгусида юзага келган камчиликларни ҳамкорликда қисқа муддатларда бартараф этишга келишиб олинди.





Фуқаролик ишлари бўйича Жомбой туманлараро суди раиси Ж.Файзуллаев