Sensiz qancha muddat o’tibdi, Yashayabman mehringsiz ham tik

Sog’inch

Sensiz qancha muddat o’tibdi,

Yashayabman mehringsiz ham tik.
Demak azal shuni hohlabdi,
Bizlar uchun sinov shu bitik.

Kemiradi yuragimni dard,

Bugun toshman, hissizman axir.
Olov yonmas qadamlarimda,
Demak bu ham men uchun taqdir.

Eslolmayman ko’zing rangini,

Eslolmayman yuzingni hatto.
Lekin meni azoblayverar,
Yurakdagi o’rning bedavo.

Eslolmayman so’ngi so’zimni,

Bilolmaysan kechmishim nima.
Qachonlardur eslaganda ham,
Faqat, uni sevganman dema.

Toki ko’ngling o’tda yonmasin,

Baxting axir mensiz ham to’kis.
Yetar meni o’tda yonganim,
Sen umringni baxtiyor o’tqiz.

Umr nima-to’rt kunlik yo’lda,

Nima qibdi dilsiz yo’l yursam.?
Faqat, o’ylantirar bir savol,
Yig’larmisan agarda o’lsam.?