Шароф ака, ҳақиқатгўй, бошига қалич келганда ҳам тўғри сўзни баралла айтган ва ҳеч кимдан ҳеч қачон беркинмаган, мард ва жасур журналист

Республика “Нуронийлар” жамғармаси Раисининг биринчи ўринбосари, улуғ устоз, исёнкор журналист Шароф Убайдуллаев улуғ айём кунлари 97 ёшли Зулайҳо хожи онам Исмоиловани зиёрат қилиш учун Сирдарё вилояти, Ховос шаҳарчасига келдилар. Зулайҳо хожи онам Шароф акани узоқ дуо қилдилар: “Илоҳо, умрингиз узун, ризқингиз бутун, мартабангиз улуғ бўлсин, хонадонингизга ҳамиша Худонинг нури ёғилиб турсин”, дея алқадилар. Илоҳо, хожи онамнинг дуолари ижобат бўлсин!

Шароф ака, ҳақиқатгўй, бошига қалич келганда ҳам тўғри сўзни баралла айтган ва ҳеч кимдан ҳеч қачон беркинмаган, мард ва жасур журналист. Мен бу замонда ўз кўзим билан кўриб, ўзим қаҳрамонликларига гувоҳ бўлганим саноқли инсонлардан бири. Баъзи интервъюларини эшитганимда “бу сўзларни қайси юрак билан айтаяпти” дея ҳайратга тушар эдим. Ўзбекнинг мана шундай мард ўғлонларидан фахрланар эдим. Мана шундай инсон бугун хонадонимизга келиб тургани мени беҳад қувончга тўлдирди. Қадамларингизга ҳасанот Шароф ака ! Сиз ҳам 97 ёшларга кириб юринг!