Sifatlarda modal shakllar

Amaliy mashqlar

Sifatlarni tahlil qilish tartibi.

1. Sifatning ma'nosiga ko'ra turlari.

2. Darajasi (oddiy, qiyosiy, orttirma).

3. Tuzilishiga ko 'ra turi.

   
   

4. Yasalishiga ko'ra turi. Yasalish usullari.

   
   

O'zi uch to'rt kundan beri g'alatiroq bo'lib yuribdi. (S.A.) g'alatiroq—sifat, asliy sifat qiyosiy daraja, sodda, tub, sifatlovchi-aniqlovclii vazifasifda.

29-mashq. Sifatlarni topib, qanday belgi bildirganini aniqlang, o'zi bog'langan so'z bilan birgalikda ko'chirib yozing.

1. Osmon boyagina feruza shishadek tip-tiniq edi. (O'.U.) 2. Og'ir tabiatlik, ulug' gavdalik, ko'rkam va oq yuzlik, kelishgan qora ko'zlik, mutanosib qora qoshlik va endigina murti sabza urgan bir yigit. (A.Qod.) 3. Baland kungurador devor bilan o'ralib, yuksak burjlarga to'p o'rnatilgan o'rdadan hovlining har joy-har joyida tosh fonuslar miltirab turardi.(O.Yo.) 4. Egnilariga qizil, ko'k, yashil, movut va kimxob to'n kiyib, qora qunduz telpak va bo'rklarini boshlariga bostirib olgan boshqa amirlar ham nag'al qoqilgan etiklari bilan marmar zinalarni taq-taq bosib, pastga tushib ketishdi. (O.Yo.)

30-mashq. Sifatlarni topib, sifat darajalarini aniqlang.

1. Shu sababli ham keyingi fikrini ancha mujmalroq shaklda bayon etdi. (O^C.U.) 2. Otalar o'z bolalarini dunyodagi bolalarning eng zo'ri, eng xushbichimi deb biladi. (S.A.) 3. Yarim ro'zg'ori qishloqda qolib juda besaranjom bo'lib ketishdi.(S.A.) 4. To'xta, to'xta, ona, durustroq qaragin, juda chiroyli. (S.A.) 5. Bu yerdagi eng ulkan va salobatli bino to'rt qavatli ko'k saroy edi. (P.Q.) 6. Aslida esa soch-soqoli oppoq, nimjongina bir cholni ko'rdi. (O.Yo.) 7. U qosh-ko'zlari qop-qora, qiyg'ir burun, xushsurat xotin bo'lsa ham,farishtasi yo'q, chehrasi sovuq ayol edi. (O.Yo,)