Siyasiy
partiyalarǵa
saylawlarda
qatnasıwına
ruxsat berildi 2019-jıl 15-
oktyabr kúni saat 11.00 de
Xalıqaralıq baspasóz orayında
Oraylıq saylaw komissiyasınıń
gezektegi
májilisi
videoselektor tárizinde bolıp
ótti.
Oraylıq saylaw komissiyasınıń aǵzaları, siyasiy partiyalardıń
wákillikli wákilleri, ǴXQ xızmetkerleri qatnasqan májilisi kún
tártibine «Siyasiy partiyalarǵa Ózbekstan Respublikası Oliy
Majlis Nızamshılıq palatası deputatlar saylawında qatnasıwına
ruxsat beriw haqqında», «Oliy Majlis Nızamshılıq palatası,
Xalıq deputatları wálayatlıq, rayonlıq hám qalalıq keńesler
saylawına tayarlıq kóriw jáne onı ótkeriw boyınsha qárejetler
smetası haqqında», «Oliy Majlis Nızamshılıq palatasına, Xalıq
deputatları wálayatlıq, rayonlıq hám qalalıq keńeslerine
saylaw ótkeretuǵın uchastkalıq saylaw komissiyalarınıń jumıs
tártibi haqqındaǵı rejege qosımsha kirgiziw haqqında», «Oliy
Majlis Nızamshılıq palatası deputatı N.Radjapovtıń wákilligin
múddetinen burın toqtatıw haqqında»ǵı tórt másele kirgizilgen.
Aldın xabar berilgenindey, 2019-jıl 10-oktyabrden baslap
mámlekettiń siyasiy maydanında jumıs alıp barıp atırǵan bes
siyasiy partiyanıń wákillikli wákilleri tárepinen Oraylıq
saylaw komissiyasına Saylawshılar tárepinen siyasiy partiyanıń
saylawda qatnasıwdı qollap-quwatlaytuǵın qoltańbaları qoyılǵan
imza qaǵazları usınıldı.
11-14-oktyabr kúnleri imza qaǵazları durıs toltırılǵanın
tekseriw ushın Oraylıq saylaw komissiyası tárepinen dúzilgen
quramına OSKnıń turaqlı túrde isleytuǵın aǵzaları ishki isler
hám ádillik uyımlarınıń xattanıwshı ekspertleri, qánigeleri,
sonday-aq, puqaralıq jámiyeti institutlarınıń wákilleri
tartılǵan Ekspert toparı tekserip shıǵıp, unamlı sheshim
berdi. Usı processte siyasiy partiyalardıń wákillikli
wákilleri de qatnastı.
Búgingi májiliste Oraylıq saylaw komissiyası tárepinen Ekspert
toparınıń unamlı sheshimlerine muwapıq «Siyasiy partiyalarǵa
Ózbekstan Respublikası Oliy Majlis Nızamshılıq palatası
deputatlar saylawında qatnasıwǵa ruxsat beriw haqqında» qarar
qabıl etildi.
Kún tártibindegi ekinshi másele de qızǵın dodalawlar
tiykarında ótti, sonıń ishinde, Ózbekstan Respublikası Oliy
Majlis Nızamshılıq palatası, Xalıq deputatları wálayatlıq,
rayonlıq hám qalalıq keńesler saylawına tayarlıq kóriw jáne
onı ótkeriwge baylanıslı qárejetler smetası tastıyıqlandı.
Oǵan bola siyasiy partiyalardıń saylawda qatnasıwdı
qarjılandırıw ushın ajıratılatuǵın mámleketlik qarjılardıń bir
talaban esabına tuwra keletuǵın muǵdarı tómendegishe
belgilengen:
Ózbekstan Respublikası Oliy Majlis Nızamshılıq palatası
deputatlıǵına talaban ushın – 10 832 000 (on million segiz júz
otız eki mıń) sum;
Xalıq deputatları wálayatlar hám Tashkent qalalıq keńesi
deputatlıǵına talaban ushın – 2 000 000 (eki million) sum;
Xalıq deputatları rayonlıq hám qalalıq keńes deputatlıǵına
talaban ushın – 1 000 000 (bir million) sum.
Aldınǵı saylawlarda Xalıq deputatları jergilikli keńesleri
deputatlıǵına talabanlar ushın qarjı ajıratılmaǵan. Usı jılǵı
Jańa Ózbekstan. Jańa saylawlar – súreni astında joqarı
dárejede shólkemlestirilgen saylawlarda Xalıq deputatları
jergilikli keńesleri deputatlıǵına talabanlar ushın da byudjet
qarjılarınıń ajıratılıwı, tek ǵana Oliy Majlis Nızamshılıq
palatasına deputatlıǵına emes, al Xalıq deputatlar wálayatlıq,
rayonlıq hám qalalıq keńesi deputatlıǵına da saylawlar
processin, talabanlar arasındaǵı debatlar, siyasiy
partiyalararalıq salamat báseki hám hár bir deputatlıq ornı
ushın gúres qızǵın keshiwden dárek beredi.
Kún tártibinen orın alǵan basqa da máseleler kórip shıǵıldı.
Májilis juwmaǵında saat 12.00 den – 12.30 ǵa shekem tikkeley
efirde OSK baslıǵınıń kún tártibindegi máseleler boyınsha
brifingi bolıp ótti hám brifing sońıńda bes siyasiy partiyanıń
wákillikli wákillerine (partiya baslıǵınıń orınbasarlarına)
Oraylıq saylaw komissiyasınıń «Siyasiy partiyalarǵa Ózbekstan
Respublikası Oliy Majlis Nızamshılıq palatası deputatlar
saylawında qatnasıwına ruxsat beriw haqqında»ǵı qararı
saltanatlı túrde tapsırıladı. Bunnan keyin bes siyasiy
partiyalardıń wákillikli wákilleri menen ǴXQ wákilleri
arasında soraw-juwap tárizinde baspasóz konferenciyası bolıp
ótti.
Oraylıq saylaw komissiyasınıń
Baspasóz xızmeti
ÓzA
