Sizningcha mijozlar tashrifi davomida farrosh do’konni tozalamasligi kerakmidi?

Fuqaro B ga qarashli kiyim-kechak do’konida doimo sifatli mahsulotlar sotilgani sababli mijozlar ko’p tashrif buyuradi. Noqulay ob-havo sababli do’kon hududi loy bo’lib ketdi. Farrosh mijozlar tashrifi davomida ham do’kon hududini tozalashga to’g’ri keldi. Farrosh polni yuvish davomida ehtiyotsizlik sabab bir mijozning oyoq kiyimini bosib oldi. Natijada mijoz bu holatdan asabiylashib, do’kon hududida shovqin ko’tara boshladi va farroshning shaxsiyatiga tegib, uni haqorot qildi. U aytdiki “ Sen bu oyoq kiyimni qancha turishini bilasanmi? Umring davomida ishlab ham bu oyoq kiyimga yetadigan pulni topa olmaysan. Men bu oyoq kiyimni Turkiyadan buyurtma qilib oldirganman. Sen oddiy bir farroshsan. Tezda oyoq kiyimimni tozalab ber” dedi. Farrosh uzr so’rashiga ham qaramasdan u ayol baqirishda davom etdi va boshqa mijozlarning e’tiborini tortdi. Natijada boshqa mijozlar do’konni tark eta boshladi va savdoning kamayishiga olib keldi. Do’kon egasi ham bu holatdan xabar topgach vaziyatni o’rgandi va mijozdan uzr so’radi. Farroshga esa hayfsan e’lon qildi va maoshidan ushlab qoldi.
Savollar:
Nima deb o’ylaysiz, sizningcha mijoz bu darajada farroshni haqarot qilishi to’g’rimi?
Sizningcha mijozlar tashrifi davomida farrosh do’konni tozalamasligi kerakmidi?
Mijoz ushbu vaziyatda bunchalik asabiylashishiga boshqa sabablar ham bo’lishi mumkinmi?
Direktor farroshning oylik maoshidan ushlab qolishi ushbu holatda to’g’rimi?
Agar siz director bo’lganingizda qanday qarorga kelgan bo’lar edingiz?

Fuqaro A katta bir kompaniyada xodim bo’lib ishlaydi. U yo’llardagi tirbandlik sabab ishga kech qoldi va ishga kech qolishini telefon orqali bildirdi. O’sha kuni kompaniya rivoji uchun katta majlis bo’lib o’tdi. Fuqaro A ishga yetib kelganda majlis tugagan edi. Kompaniyadagilar kompaniya rivoji uchun muhim xabarni qabul qilishgan edi. Fuqaro A uni kutishmasdan bu qarorga kelishgani fuqaro A xafa bo’ldi va xodimlar bilan janjal ko’tarishgacha yetib bordi. Xodimlar bilan janjal jiddiy tus oldi. Bu janjaldan kompaniya direktori xabar topdi. Fuqaro A ga nisbatan ichki tartib qoidani buzgani, ishga kech kelgani va xodimlar bilan janjallashgani sabab hayfsan e’lon qildi va ish haqini ushlab qoldi.

Savollar:
Nima deb o’ylaysiz kompaniyadagilar fuqaro A ni kutishlari kerakmidi?
Fuqaro A ushbu vaziyatda xafa bo’lishga haqlimi?
Sizningcha direktor fuqaro A ga nisbatan to’g’ri chora ko’rdimi?
Ushbu vaizyatni qanday baholaysiz?