Светофорлар қуйидагиларга бўлинади ва таснифланади: кириш – поездга перегондан стансияга киришга рухсат беради ёки тақиқлайди; чиқиш

ЛОКОМОТИВ СВЕТОФОРЛАРИ
27. Автоблокировка ва автоматик локомотив сигнализасия билан жиҳозланган участкаларда, локомотив светофорларидан қуйидаги сигналлар узатилади:
яшил чироқ - «Ҳаракатга рухсат берилади; поезд яқинлашиб келаётган йўл светофорида яшил чироқ ёнаяпти» (расм 2.27, а);
сариқ чироқ - «Ҳаракатга рухсат берилади; поезд яқинлашиб келаётган йўл светофорида битта ёки иккита сариқ чироқ ёнаяпти» (расм 2.27, б);
сариқ билан қизил чироқ бирга – «Тўхташга тайёр бўлган ҳолда ҳаракатланишга рухсат берилади; поезд яқинлашиб келаётган светофорда қизил чироқ ёнаяпти» (расм 2.27, в).

а)	б)	в)
Расм 2.27

Қизил чироқли йўл светофоридан ўтган вақтда локомотив светофорида қизил чироқ ёнади (расм 2.27,е);
оқ чироқ - (расм 2.27, д) локомотив қурилма ёқилганини кўрсатади, аммо йўл светофорининг сигналлари локомотив светофорига узатилмайди ва бундай ҳолда машинист йўл светофорининг сигналларига риоя қилиши керак.

д)	е)
Расм 2.27

Локомотив светофори шунингдек қуйидаги сигналлар узатади:
яшил чироқ билан – битта ўчиб ёнувчи сариқ чироқли, битта ўчиб ёнувчи яшил чироқли ёки битта сариқ ва битта кўк чироқли йўл светофорига поездни яқинлашиб келаётганини кўрсатади.
сариқ чироқ билан – поездни иккита сариқ чироқли, улардан юқорисидаги ўчиб ёнувчи ҳамда стрелкали ўтказгичдан оғишиб ўтишини кўрсатувчи бошқа чироқ кўрсаткичли йўл светофорига яқинлашиб келаётганини кўрсатади.
28. Автоматик локомотив сигнализасияси сигнализасиянинг мустақил воситаси сифатида қўлланилган участкаларда поезднинг ҳаракат қилиш даврида локомотив светофоридан қуйидаги сигналлар узатилади:
яшил чироқ - «Белгиланган тезликда ҳаракатланишга рухсат берилади, олдинда иккита ёки ундан кўп блок-участкалар бўш»;
сариқ чироқ - «Пасайтирилган тезликда ҳаракатланишга рухсат берилади, олдинда битта блок-участка бўш»;
сариқ билан қизил чироқ бирга – «Блок-участкада тўхташга тайёр бўлган ҳолда ҳаракатланишга рухсат берилади, кейинги блок-участка банд».
Агар поезд банд бўлган блок-участкага кирса локомотив светофорида қизил чироқ ёнади.
Оқ чироқ локомотив қурилмасини ёқилганлигини, лекин йўлдан локомотивга сигнал узатилмаётганлигини кўрсатади.

Йўл светофорига яқинлашганда локомотив светофорларидан ушбу Йўриқноманинг 27 бандида кўрсатилган сигналлар узатилади.