Тадбиркорлик субъектларининг ҳУҚУҚлари ва қонуний манфаатларини ҳимоя қилиш тизимини янада такомиллаштириш чора-тадбирлари тўҒрисида

Текширувларни электрон рўйхатга олиш ягона тизимида рўйхатдан ўтказиш орқали ваколатли органни хабардор этиш тартибида ўтказиладиган текширувлар
РЎЙХАТИ
Олдинги таҳрирга қаранг.

Т/р	Текширувлар (назорат функциялари)	Назорат қилувчи орган	Текширув муддати
1.	Ишончли ахборотлар мавжуд бўлганида қуйидагиларни қонунчиликда белгиланган тартибда олиб қуйиш: тегишли рухсатномаларсиз ишлаб чиқилган ва сотилган алкоголь ва тамаки маҳсулотлар; қалбаки акциз маркали ёки акциз маркаси мавжуд бўлмаган алкоголь ва тамаки маҳсулотлар. Тақиқланган товарлар (хизматлар)ни ишлаб чиқариш ва сотиш ҳолатларининг олдини олиш бўйича тезкор тадбирлар ўтказиш.	Ўзбекистон Республикаси давлат солиқ қўмитаси Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти Ўзбекистон Республикаси Ички ишлар вазирлиги Алкоголь ва тамаки бозорини тартибга солиш ҳамда виночиликни ривожлантириш агентлиги	1 кун
2.	Сифатсиз ва/ёки контрафакт маҳсулотлар сотилишини олдини олиш мақсадида, фақатгина шундай маҳсулотларни ишлаб чиқариш ва сотиш бўйича ишончли ахборотлар мавжуд бўлганда, ишлаб чиқарилаётган ёки сотилаётган дори маҳсулотларини назорат қилиш.	Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги	1 кун
3.	Атмосфера ҳавоси, тупроқлар, ер усти ва ер ости сувларини ифлослантирувчи манбалар, шунингдек, ваколатли орган билан келишилган объектларда ноқонуний ифлослантирувчи моддаларни чиқариш ва чиқиндилар мониторинги.	Ўзбекистон Республикаси Экология ва атроф-муҳитни муҳофаза қилиш давлат қўмитаси, Соғлиқни сақлаш вазирлиги ҳузуридаги Республика санитария-эпидемиология назорати маркази	1 кун
4.	Рухсат берувчи ҳужжатлар мавжудлиги ҳамда шаҳарсозлик нормалари ва қоидалари талабларига риоя қилинганлигини ўрганиш мақсадида барча қурилиш объектларида, шу жумладан якка тартибдаги уй-жой қуриш объектларида, молиялаштириш манбаларидан қатъий назар, қисқа муддатли инспекторлик текширувлар ўтказиш.	Ўзбекистон Республикаси Қурилиш вазирлиги ҳузуридаги Қурилиш соҳасида назорат қилиш инспекцияси, туманлар (шаҳарлар) бош архитекторлари	1 кун
5.	Ўзбекистон Республикаси Бош прокуратураси ҳузуридаги Агросаноат мажмуи ва озиқ-овқат хавфсизлиги таъминланиши устидан назорат қилиш инспекцияси ваколатига кирувчи масалалар бўйича текширувлар.	Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси	30 кундан ошмаган ҳолда
6.	Саноат, радиациявий ва ядро хавфсизлик талабларига риоя қилиш ҳолати устидан, шунингдек ваколатли орган билан келишилган объектларда углеводород хом ашёли ер қаъридан фойдаланиш ва муҳофазасини назорат қилиш.	«Саноатгеоконтехназорат» ДИ	10 кундан ошмаган ҳолда
7.	«Ўзбекэнерго» АЖ объектларида ҳамда 35 кВ ва ундан юқори кучланишдаги электр тармоқларида ишларни олиб боришда хавфсизликни назорат қилиш.	Ўзбекистон Республикаси Электр энергетика соҳасида назорат қилиш давлат инспекцияси	5 кундан ошмаган ҳолда
8.	Табиий, техноген, террорчилик-қўпорувчилик тусидаги фавқулодда вазиятлар юзага келишининг олдини олиш ва улардан ҳимоя қилиш масалалари бўйича, шунингдек, норматив-ҳуқуқий ҳужжатлар билан белгиланган объектларда фуқаро муҳофазаси талабларига риоя қилиш устидан назорат олиб бориш.	Ўзбекистон Республикаси Фавқулодда вазиятлар вазирлиги	10 кундан ошмаган ҳолда
9.	Барча ташкилотларда Молия вазирлиги ҳузуридаги бюджетдан ташқари Пенсия жамғармаси маблағларидан мақсадли фойдаланишни текшириш. Бунда кўрсатилган текширувлар Ўзбекистон Республикаси молия вазирининг буйруқларига мувофиқ амалга оширилади.	Ўзбекистон Республикаси Молия вазирлиги Давлат молия назорати бош бошқармаси	10 кундан ошмаган ҳолда
10.	Ўзбекистон Республикаси Вазирлар Маҳкамаси ҳузуридаги Санитария-эпидемиология назорати давлат инспекцияси ваколатига кирадиган масалалар бўйича: уч ойда кўпи билан бир маротаба — умумий овқатланиш соҳасида фаолиятни амалга оширувчи, шу жумладан озиқ-овқат хом ашёси, озиқ-овқат маҳсулотларини ишлаб чиқариш, ташиш, сақлаш ва реализация қилиш бўйича фаолиятни амалга оширувчи ва истеъмолчиларни водопровод суви билан таъминлайдиган, оқова сувларни чиқариб ташлайдиган; олти ойда кўпи билан бир маротаба — қонун ҳужжатларига кўра ходимлари тиббий кўрикдан ўтиши лозим бўлган савдо ва аҳолига хизмат кўрсатиш билан шуғулланадиган, шу жумладан сартарошхона ва косметология хизматларини кўрсатувчи; бир йилда кўпи билан бир маротаба — аҳолига диагностика, даволаш-профилактика хизматларни кўрсатиш бўйича фаолиятни амалга оширувчи тадбиркорлик субъектларида текширувлар ўтказиш.	Ўзбекистон Республикаси Вазирлар Маҳкамаси ҳузуридаги Санитария-эпидемиология назорати давлат инспекцияси	1 кун