Tasdiqlayman” O’quv ishlari bo’yicha prorektor Xodjaniyozov. S. U

6. O’quv loyihasi va ularning mazmuni. Loyihaviy ta’lim asoslari.Har qanday tadqiqot eksperimental asoslangan taqdirdagina real natijalar haqida gapirish mumkin. Talabalar eksperimentni to’g’ri rejalashtirishlari, mantiqiy ketma-ketligini aniq belgilashlari kerak. Ular zarur eksperimental bazani shakllantiradilar, tajriba –sinov ishlarini o’tkazadilar, faoliyatni tahlil qilib, muayyan natijalarni qo’lga kiritadilar.

Tadqiqotlar olib borish davomida tajriba-sinov ishlarini o’tkazish uchun etakchi tashkilotlar bilan hamkorlik ishlarining yo’lga qo’yilishi yaxshi samara beradi. Talabalar tabiiy sharoitlarda tajriba o’tkazib, o’z g’oyalarining qay darajada dolzarb va real ekanligini tekshirib ko’radilar.

Tadqiqot ishlari natijalarining taqdimotini tashkil qilish maslasiga e’tibor qaratiladi. Taqdimot hisobot, ilmiy-amaliy anjuman shaklida o’tkazilishi mumkin. Taqdimotga soha mutaxassislari, tadqiqot yo’nalishida ish olib borgan olimlar ekspert sifatida taklif qilinadilar.

Taqdimotda talabalar o’zlari olib borgan tadqiqot ishlari natijalari bo’yicha axborot beradilar, aniq dalillarni keltiradilar, ekspertlar va guruhdoshlari mulohazalarini tinglaydilar, qizg’in munozara o’tkazadilar.

Talabalar tomonidan qo’lga kiritilgan natijalar o’rganilgan soha yo’nalishini rivojlantirish maqsadida mutasaddi tashkilotlarga taqdim qilinishi mumkin.