Adabiyot insonlarning aihiy kechinmalarini so’z orqali ifodalab kelgan san'at turidir

G’azallar.

,,Qaro zulfing’’

Qaro zulfing firoqida parishon ro’zgorim bor,

Yuzingning ishtiyoqida ne sabr-u, ne qarorim bor.

Labing bag’rimni qon qildi, ko’zimdin qon ravon qildi,

Nega holim yomon qildi, men undan so’rorim bor.

Jahondin menga g’am bo’lsa, ulusdin gar alam bo’lsa,

Ne g’am yuz muncha ham bo’lsa, seningdek g’amguzorim bor.

Agar muslih men, ar mufsid, va gar oshiqmen ar obid,

Ne ishing bor sening zohid, meningki ixtiyorim bor.

Fig’onim oshti bulbuldin, g’ami yo’q zarra bu guldin,

Basi Bobur, o’shal guldin ko’ngilda xor-xorim bor.

Ruboiylar

Raftori-yu qaddig’a ravonim sadqa,

Bir boqishig’a ikki jahonim sadqa,

Og’zi-yu beliga bud-nobudim sarf,

Ko’zi-yu labig’a jism-u jonim sadqa.