Tema: Baslawish klasslarda ata-analar jiynlaisin sho’lkemlestiriw metodikasi

Tema: Baslawish klasslarda ata-analar jiynlaisin sho’lkemlestiriw metodikasi.

“Keys-stadi” (anglichan tilinde “case” - metod, “study” - mashqalalı jaǵday, jaǵdaylı analiz yamasa mashqalalı jaǵdaylardı analiz qılıw ) texnologiyası oqıwshı (student) larda anıq, real yamasa jasalma jaratılǵan mashqalalı jaǵdaydı analiz qılıw arqalı eń maqul túsetuǵın variantların tabıw kónlikpelerin qáliplestiriwge xızmet etedi. Ol oqıwshı (student) lardi tikkeley hár qanday mazmung’a iye jaǵdaydı úyreniw hám analiz etiwge uyretedi.

Texnologiyanıń negizinde arnawlı bir mashqalalı jaǵdaydı sheshiw procesiniń ulıwma mánisin sáwlelendiriwshi elementler jatadı. Bular tómendegiler bolıp tabıladı: tálim formaları, tálim metodları, tálim quralları, tálim procesin basqarıw usıl hám quralları, mashqalanı sheshiw maydanınan alıp barılıp atırǵan ilimiy izertlewdiń usıl hám quralları, informaciyalardı toplaw, olardı úyreniw usıl hám quralları, ilimiy analizdiń usıl hám quralları, oqıtıwshı hám oqıwshı (student) ortasındaǵı bilimlendiriwge tiyisli baylanıstıń usıl hám quralları, oqıw nátiyjeleri.
1-jaǵday. Feruza atlı qız 6 jasta. Ol 3 jasınnan xoreografik dógerekke,
5 jasından bolsa vokal hám teatr studiyasına qatnaydi. Tez-tez saxnaǵa shiǵadi, túrli tańlawlarda qatnasadı. Náwbettegi shıǵıw aldınnan oyın waqtında Feruza óziniń teńleslerine: “Men sizlerden jaqsılaw bilemen, men saxnaǵa kóp márte shıqqanman, sizler bolsa, shıqpaǵansızlar. Soniń ushın, men túlki rolin oynayman” dep, basshılıq etiwge háreket qılıp atır. Teńles qızlar oǵan baǵınıwdan bas tartıwǵa háreket etip atir hám tárbiyashi aldına járdem sorap barıp atır.
Keysga soraw - wazıypa : Sizdiń háreketlerińiz qanday boladı?
Sheshim variantları :
1-variant. Feruzaǵa óziniń teńleslerine ózlerin kórsetiwge járdem beriw ushın bul oyında rejissyor rolin usınıs etiw. Olardıń háreketleri de maqtawǵa ılayıqlıǵın kórsetiw.
2-variant. Feruza menen shıǵarma qaharmanları qilıqlarınıń unamsız tárepleri(maqtanıw, doslarınıń xapaliǵi hám taǵı basqa ) ni analiz etiwge jóneltirilgen sáwbet ótkeriw, basqa qızlar onıń teńlesleri ekenligin, olarda da sol róldi oynawǵa qálew bar ekenin túsindiriw. Túlki rolin gezek menen oynawdı usınıs etiw.
3-variant. Balalarǵa tartispawdi usınıs etiw, bálkim roldi bólistiriwdi chek taslaw jolı menen ámelge asırıw. Sonda tuwrı bolar.
4-variant. Túlki - bas ról ushın tańlaw shólkemlestiriw, ǵárezsiz hakamlardi (bul oyında qatnaspaytuǵın ul balalardan ) tańlaw.
5-variant. Bul mashqalanı sheshiw ushın balalarǵa múrajat qılıw.


2-jaǵday. Shohruh 7 jasda. Ol jaslıǵınan baslap kleylew, súwret sızıw,
qurıwǵa qızıǵadı. Shohruh jaqsı súwret sızadı, plastilindan túrli zatlar jasaydi,
ájayıp konstruktsiyalar jaratadı, dóretiwshilik qiladi. Tárbiyashiniń balanı kórkem studiyaǵa beriw usınısına Shohruhtiń ata-anası, ol sport menen shuǵıllanıwı kerek degen sheshimge kelip, biykarlaw juwabın berdi. Baqshada Shohruh hesh kim menen doslaspaydi, balalar menen kóbinese konfliktke kirisedi. Eger balalardan biri onıń súwret sızıwına, úy qurıwına yamasa basqa oyınlarına qosılmaqshi bolsa, Shohruh kóbinese olardı qospaydi. Ol balalarǵa qosilmaydı, onı óz jaxsı kórgen shınıǵıwınan shalǵıtiw yamasa itibarın basqa zatqa qaratıw qıyın.
Keysqa soraw - wazıypa : Sizdiń háreketlerińiz qanday boladı?
Sheshim variantları :
1-variant. Shohruhtiń ózin-ózi bahalawı júdá tómen. Onıń qábiletleri
ata-anası tárepinen tán alınbaǵan. Balanıń ózin-ózi bahalawın rawajlandırıwǵa
háreket qılıw kerek, tańlawlarda qatnasıwdı usınıs etiw kerek. Shohruhtiń tabısların ata-ana hám balalar bahalawı ushın, onıń jumısların kórgezbelerge qoyıw kerek.
2-variant. Sotsiometrik usıldaǵı izertlew ótkeriw, onı ashıw hám túrli ulıwma wazıypalar bergen halda, balalar menen jaqınlastırıwǵa háreket qılıw, balalar menen birgelikte iskerlik kórsetiwge tartıw kerek.
3-variant. Ata-ana menen jumıs aparıw. Olarǵa balanıń qızıǵıwshılıǵın kóriw hám túsiniwge járdem beriw. Shohruh oǵan usınıp atırǵan shınıǵıwǵa háwesker bolıwı, tek “anası aytqanlıǵı ushın emes”, bálki ol jaǵdayda beyimlik hám qızıǵıwshılıq bolǵanı ushın, qosımsha tálim tańlawda balanıń pikirin esapqa alıwdı usınıs etiw. Sport menen ekshembi kúnleri shańaraqqa tiyisli shuǵıllanıw da múmkinligin túsindiriw.