Tema: Kishi jastaǵi oqıwshilarda ilimiy du`n`ya qarastin` elementlerin rawajlandiriwda ana tilin u`yretiwdin` ahmiyeti

Oqiwshiniń sóylewine qoyilatuǵin talaplar.

Oqiwshiniń tiliniń ósiwine qoyilatúgin talap tildi oqitiwdiń tiykarǵI printsipine tiykarlanadi. Baswlawish klass balalari sóylew hám jazba tilin ósiriw ústinde jumis islew- qaraqalpaq tilin oqitiwdiń metodikasi menen baylanisli alip bariladi. Olay bolsa, til ósiriw isi – álipbeni oqitiw, oqiw, grammatikani oqitiwdiń barisinda iske asip otiradi. Sonliqtan muǵallim bular boyinsha tek bilim beriw isine gána kewil bólip qoymay, al ol alǵan bilimlerin sóylew hám jazba tilinde qollana biliwge de úyretip otiriw kerek. Oqiwshilardiń tilin ósiriw isine ayirim saat ajiratilmaydi. Bul oqiwshilardiń mektepte alǵan bilim menen tiǵiz baylanisli alip bariladi. Sonliqtan da, mektep programmasinda: «Sawat ashiw hám ósiriw», «Oqiw hám til ósiriw», «Grammatika hám orfografiyani oqitiw hám til ósiriw», dep ajiratilip berilgen. Sonliqtan bul islew programma talabina ilayiq hár bir saatta hár bir tema ústinde islegende sheshilip otiriliwi tiyis. Til ósiriw jumisi – oqiwshiniń sanasiniń rawajlaniwi menen tikkeley baylanisli. Sonliqtan oqiwshiǵa bilim beriw, oǵan kónligiw, hám t.b. jumislarin islegende, oqiwshiniń sanasiniń rawajlaniwina baylanisli alip bariw, bul oqiwdiń barisina pedagogika menen psixologiyaniń sońǵi jańaliqlarin, aldaǵi metodikaliq kórsetpeler menen mektep turmisindaǵi bay tájiriybelerdi endirip, olarǵa dóretiwshilik qatnas jasap otiriw degen túsinikti ańlatadi. Oqiwshilardiń sp’ylew tiline qoyilatúgin basil talaplar, qaraqalpaq tilinen programmaǵa sáykes alǵan bilimlerinen paydalana otirip, tilimizdiń orfoepiyaliq normasina sáykes tilin qatnas qurali retinde paydalana biliw. Solay da, olardiń sóylewine, jaziwina qoyilatuǵin belgili norma bar.