Texnologiyalar

Yalpi nazorat
- sinf jamoasining barchasiga mo‘ljallangan 
tekshirishdir. Masalan, diktant shunday metodlar sirasiga kiradi.
Oliy ta’limda informatika fanlarini o‘qitishda talabalar bilimini 
nazorat qilishning bir nechta yo‘llari bor. Nazoratning eng keng 
tarqalgan shakllariga yozma ish, test sinovlarini kiritish mumkin.
Ammo informatika fanlarining o‘ziga xos jihatlari borki ular 
nazorat jihatidan boshqa fanlardan ajralib turadi. Masalan, joriy 
nazoratlarni amalga oshirish uchun talaba amaliy mashg‘ulotlarda 
bal to‘plashi, har laboratoriya mashg‘ulotlarida esa topshiriqni 
bajargan holda bal to‘plab borishi kerak bo‘ladi.
Bu topshiriqlarning aksariyati talabaning kompyuterda amaliy 
ishlay olish qobiliyati bilan belgilanadi. YA’ni kompyuterda berilgan 
topshiriqni bajara olishiga (dastur tuzishi, ma’lum turdagi raqamli 
ma’lumotni yaratishi yoki qayta ishlay olishi va boshqalar) qarab 
unga bal qo‘yiladi.
Informatika fanlarida reyting mezonlarida belgilangan oraliq 
nazorat yoki yakuniy nazoratlarni o‘tkazish yozma ish yoki test 
ko‘rinishida bo‘lishi mumkin. Agar oraliq nazorat yozma ish 
ko‘rinishida bo‘lsa 3 ta, yakuniy nazorat yozma ish ko‘rinishida bo‘lsa 
5 ta savolga javob yozishi kerak. Bunda oraliq nazoratning soni va 
shakli fanning xususiyatidan kelib chiqqan holda belgilanadi. Agar 
oraliq nazorat yoki yakuniy nazorat test shaklida bo‘lsa, u holda 
testni ikki xil ko‘rinishda o‘tkazish mumkin: yozma test yoki 
kompyuterda test.
Yozma ko‘rinishdgi testlar odatda kompyuterda imkoniyati 
bo‘lmagan hollarda (kompyuter yetishmasa, dasturiy ta’minot 
bo‘lmasa, savollar banki kompyuter dasturi savollar bazasiga kiritib 
ulgurilmasa yoki boshqa turli sabablarga ko‘ra) o‘tkaziladi.

---

Kompyuterda o‘tkazish uchun esa avvalo nazoratni o‘tkazishga 
mo‘ljallangan kompyuter xonalari ishchi holatda va ularda sinovni 
o‘tkazish uchun dasturiy ta’minot va savollar bazasi ishga tayyor 
holatda bo‘lishi kerak. Bunda turli dasturiy vositalardan foydalanish 
mumkin.