Toshkent arxitektura-qurilish instituti injener servis fakulteti «informatika va ahborot texnologiyalari» fani

2.2 Hujjat tarkibi 
Hujjat matndan tashkil topgan bo'lib, timsollar so'zni, so'zlar jumlani, jumlalar 
abzasni tashkil etadi. So'zlar bir biridan bo'sh joy belgisi bilan ajratiladi, abzaslar esa har 
doim yangi satrdan boshlanadi. Matn kiritilayotganda keyingi so'z satrga sig'may qolsa 
va bo'g'in ko'chirishga ruxsat berilmagan bo'lsa, u butunligicha yangi satrga o'tkaziladi. 
Shu sababli, yangi satrga o'tish tugmasi Enter tugmasidan faqat abzasni tugatish uchun 
foydalanish kerak. 
Matn tarkibiga boshqa dasturlarda tayyorlangan hujjatlarni, masalan, formula, 
rasm, jadval, diagrammalarni ham kiritish mumkin. Ular ob'ekt sifatida qaraladi va ularni 
tahrir qilish uchun ularni yaratgan dastur chaqiriladi. Ob'ektlar matn tarkibiga maydon 
deb ataluvchi maxsus joylarni kiritish orqali joylanadi. Maydonlarda nafaqat boshqa 
dasturlarning hujjatlari, balki oddiy matn ko'rinishida kiritib bo'lmaydigan, vaqt o'tishi 
yoki matn joyi o'zgarishi bilan o'zgaradigan ma'lumotlarni kiritish mumkin. Bunga misol 
sifatida, hujjat yaratilgan sana, hujjat saqlanadigan fayl nomi, muallifning nomi, qaysi 
kompyuterda yaratilgani, sahifalarning va ro'yxat bandlarining tartib raqamlarini keltirish 
mumkin. Matnga boshqa narsalarni kiritish uchun bosh menyuning Vstavka (Joylash) 
bo'limidagi farmoishlardan foydalaniladi. 

---