Туман (шаҳар) ҳоким ёрдамчилари

Туман (шаҳар) ҳоким ёрдамчилари

Ўзбекистон Республикаси Президентининг 2022 йил 18 мартдаги ПҚ-168-сон қарорининг 3-бандига кўра, туман (шаҳар) ҳокимининг ёрдамчилари томонидан ўз ҳудудларида қишлоқ хўжалигига мўлжалланмаган ер участкалари бўлганда “Yerelektron” ААТ орқали юборилган онлайн-буюртманома уч кун муддатда тегишли идоралар томонидан кўриб чиқилиши ҳамда ижобий хулоса берилган тақдирда, икки ҳафта муддатда тўғридан-тўғри электрон онлайн-аукцион савдоларига чиқарилиши белгиланган.

Ўзбекистон Республикаси Президенти раҳбарлигида жорий йилнинг 15 апрел куни “Озиқ-овқат маҳсулотлари етиштиришни кўпайтириш, бозорларда нарх-наво барқарорлигини таъминлаш ҳамда бизнес ва тадбиркорликни қўллаб-қувватлаш бўйича қўшимча шарт-шароитлар яратиш тўғрисида” ўтказилган кенгайтирилган вилеоселектор йиғилиши баёнига кўра, Жиззах вилоятида тадбиркорлик фаолиятини йўлга қўйиш учун ер участкаларини аниқлаш ва аукцион савдоларига чиқарилишини таъминлаш юзасидан “Жиззах вилояти тажрибаси”ни яратиш бўйича Республика Ишчи гуруҳи тасдиқланган.
Шунингдек, Вазирлар Маҳкамасининг 2022 йил 14 февралдаги 71-сон қарорига 2-иловасининг 3-бандига кўра, “Yerelektron” ААТ ер участкалари бериш бўйича материалларни тўплаш, кўриб чиқиш ва ваколатли органлар ва ташкилотлар билан келишиш тартиботларини амалга оширишга мўлжалланган автоматлаштирилган ахборот тизими ҳисобланади.
Ушбулардан келиб чиқиб, 3 кунлик муддатда ўз ҳудудингиздаги тадбиркорлик фаолиятини йўлга қўйиш учун ер участкаларини аниқлаш ва аукцион савдоларига чиқарилиши бўйича таклиф ва маълумотларни Ишчи гуруҳга тақдим этишингиз сўралади.