Qadimgi dunyo ikki mintaqa – Sharq va G‘arb hududlaridagi bir biri bilan o‘zaro madaniy, ijtimoiy-iqtisodiy aloqada bo‘lgan mamlakatlarning mahalliy san’ati bilan ajralib turadi. Mamlakatlarda mahalliy san’at an’analari mavjud bo‘lib, tarixiy tuzumga qarab uning g‘oyaviy va ijodiy uslubi ham o‘zgarib borgan. Masalan, Qadimgi Sharqda ko‘proq ramziy shakllar, amaliy bezakdorlik, shartli badiiy ifodaviylik, qat’iy belgilangan qanun-qoidalarga amal qilingan. Jumladan, Misr san’atida ilk podsholik davrida shu xususiyatlar ko‘zga tashlanadi. Yangi va so‘nggi podsholik davrlarida esa realistik yondoshuvlar ham rivojlangan. G‘arb san’atida esa – qadimgi Gretsiya va Rimda mifologiya aynan hayotiy ko‘rinishda, aniq insonlar timsolida ifoda etiladi. Shakl realizimi, inson qomatining anatomik mutanosibligida aniq yechimga erishish kuzatiladi.
Do'stlaringiz bilan baham: |