Umumiy o‘rta ta’lim maktablarining ijodiy-madaniy masalalar bo‘yicha targ‘ibotchilari uchun uslubiy qo‘llanma

UMUMIY O‘RTA TA’LIM MAKTABLARINING IJODIY-MADANIY MASALALAR BO‘YICHA TARG‘IBOTCHILARI UCHUN USLUBIY QO‘LLANMA
Yangiyo‘l tuman
Respublika Ma’naviyat va ma’rifat markazi
O‘zbekiston Respublikasi Prezidentining 2021 yil 26 martdagi “Ma’naviy-ma’rifiy ishlar tizimini tubdan takomillashtirish chora-tadbirlari to‘g‘risida”gi PQ-5040-sonli qarorining 7-bandi bilan ijodiy-madaniy masalalar bo‘yicha targ‘ibotchi lavozimi joriy etildi. Ushbu lavozim joriy etilishidan ko‘zlangan asosiy maqsad ta’lim muassasalarida madaniy-ma’rifiy ishlar samaradorligini oshirish, iqtidorli o‘quvchi yoshlarning ijodiy qobiliyatlarini aniqlash, ularni ro‘yobga chiqarish hamda yanada rivojlantirishdan iboratdir.
Mazkur qarorga asosan har bir umumta’lim muassasasida joriy etilgan ijodiy-madaniy masalalar bo‘yicha targ‘ibotchi lavozimi davlat budjeti mablag‘lari hisobidan 0,5 shtat birligi ajratilishi hamda uning ish haqi miqdori umumta’lim muassasasi oliy ma’lumotli o‘qituvchisi uchun o‘rnatilgan bazaviy tarif stavkasi miqdorida belgilanishi ko‘zda tutilgan.
O‘zbekiston Respublikasi Xalq ta’limi vazirligi, Respublika Ma’naviyat va ma’rifat markazi, O‘zbekiston Yozuvchilar uyushmasi, O‘zbekiston Jurnalistlari ijodiy uyushmasining 2021 yil 20 apreldagi “Umumiy o‘rta ta’lim muassasalarida ijodiy-madaniy masalalar bo‘yicha targ‘ibotchi lavozimini amaliyotga joriy etish to‘g‘risida”gi qo‘shma qarori qabul qilindi. Ushbu qaror bilan ijodiy-madaniy masalalar bo‘yicha targ‘ibotchi faoliyatini monitoring qilish bo‘yicha Respublika ishchi guruhi, ijodiy-madaniy masalalar bo‘yicha targ‘ibotchi faoliyatini belgilash va ularning vazifalari, ijodiy-madaniy masalalar bo‘yicha targ‘ibotchi lavozimiga taniqli shoir, yozuvchi, jurnalist va ijodkorlar, jumladan, ijodiy salohiyatga ega bo‘lgan ona tili va adabiyot o‘qituvchilarini umumiy o‘rta ta’lim maktablariga biriktirish jadvali tasdiqlandi.
Yorqin iste’dodga ega bo‘lgan o‘quvchi-yoshlarni Xalq ta’limi vazirligi, O‘zbekiston Yozuvchilar uyushmasi va O‘zbekiston jurnalistlari ijodiy uyushmasi tomonidan o‘quvchilar o‘rtasida o‘tkaziladigan turli ijodiy tanlovlarga jalb qiladi, ularning ijodiy ishlarini adabiiy nashrlarga, almanaxlarga tavsiya etadi.
O‘quvchilarning ijodiy ishlari bilan muntazam tanishib boradi, ularga ijodiy jihatdan yo‘l-yo‘riq ko‘rsatadi.