Ундан кейинги ўринларда Германия, Италия ва Испаниялар туради

Бельгия
Бельгия қишлоқ хўжалигида меҳнатга лаёқатли аҳолининг атиги 3% шуғулланади (ҳар бир деҳқон ўртача 80 кишини боқади). Ўрта ва майда фермер хўжаликлари (90 мингта) қишлоқ хўжалигининг асосини ташкил этади, бир хўжаликнинг ўртача ер майдони — 15 гектар. Қишлоқ хўжалигида энг етакчи тармоқ бу чорвачилик, у бутун қишлоқ хўжалиги маҳсулотининг 70% ини беради. Белгия Европада йирик сут маҳсулотлари ишлаб чиқарувчиларидан биридир. Асосий қишлоқ хўжалиги экинлари — буғдой, арпа, сабзавотлар. Кўпчилик маҳсулот турлари бўйича қишлоқ хўжалиги ишлаб чиқариши ички эҳтиёжни 1,5 — 2 баробар ортиғи билан таьминлайди. Етиштирилган сабзавотнинг 80% и чет давлатларга чиқарилади. Четга чиқариладиган қишлоқ хўжалиги маҳсулотлари ичида ғалла ва мева асосий ўринни эгаллайди. Картошка, қанд лавлаги ва бошқа ҳам етиштирилади.
Франция
Франция қишлоқ хўжалиги маҳсулотларини етиштириш бўйича Европа Иттифоқида 1-ўринда туради. Европа Иттифоқида етиштириладиган жами қишлоқ хўжалиги маҳсулотларининг 20 фоизи Франция улушига тўғри келади.Ундан кейинги ўринларда Германия, Италия ва Испаниялар туради. Чорвачилик қишлоқ хўжалигининг етакчи тармоғи (ишлаб чиқариладиган маҳсулот қийматининг 55 %). Қорамол, қўй, чўчқа, парранда боқилади. Асосий қишлоқ хўжалиги экини бўлган буғдой Шимолий Франция пасттекислигида экилади. Экинлардан арпа, маккажўхори, қанд лавлаги, зиғир, хмел ва тамаки етиштириш мухим ахамиятга эга. Шунингдек, сабзавотчилик, боғдорчилик, гулчилик ривожланган. Франциядаги 500 мингдан ортиқ фермер хўжалигида бир миллиондан ортиқ деҳқон меҳнат қилади. Франция қишлоқ хўжалиги бўйича энг илғор мамлакатлардан бири эканлиги бу соҳадаги француз таълим муассасалари бошқалар билан баҳам кўришга арзирли каттагина тажрибага эгалигини кўрсатади.