Urganch davlat universiteti Filologiya fakulteti Filologiya va tillarni o‘qitish

Urganch davlat universiteti Filologiya
fakulteti Filologiya va tillarni o‘qitish:
o‘zbek tili talim yo‘nalishi 2-bosqich
talabasi Xo‘jamurodova Madinabonu
Sarvarbek qiziga
TAVSIYANOMA
Xo‘jamurodova Madinabonu Sarvarbek qizi Urganch davlat universiteti Filologiya fakulteti Filologiya va tillarni o‘qitish : o‘zbek tili yo‘nalishiga davlat granti asosida talabalikka qabul qilindi. O‘qish davomida u namunali, tashkilotchi, intiluvchan, izlanuvchan, zehnli va ijodkor talaba sifatida o‘zini ko‘rsata oldi va o‘qituvchilari e’tirofiga sazovor bo‘ldi. Xo‘jamurodova Madinabonu iqtidorli talabardan biri bo‘lib, o‘zining a’lo baholarga o‘qishi, universitet jamoat ishlari, ma’naviy-ma’rifiy tadbirlarda faol qatnashishi, mehnatsevarligi, qobiliyati, o‘tkir zehni, zukkoligi va namunali xulqi bilan boshqalardan ajralib turadi. Shuningdek, u tashkilotchi talaba sifatida universitetimiz va respublika miqiyosida o‘tkazilayotgan bir qator tadbirlarda faol ishtirok qilib kelmoqda.
Fakultetimizda o‘tkaziladigan insholar tanlovida doimiy ravishda ishtirok qilib faxrli o‘rinlarni egallab kelmoqda. Universitetimiz miqyosida o‘tkazilgan tadbirlarda o‘zining iqtidorini namoyish etib kelmoqda. Kitobxonlik tanlovlarida va universitet badiiy kechalarida ham muntazam ishtirok qilib kelmoqda.
U nafaqat ta’lim jarayonida izlanuvchan, balki, onlayn tarzda o‘tkaziladigan Xalqaro va Respublika tanlovlari faol qatnashchisi sifatida boshqa talabalarga o‘rnak bo‘la oladi.
Bilimlarini yanada mustahkamlash maqsadida onlayn olimpiadalarda faol qatnashib faxrli 1-2-3-o‘rinlarni olib, ilmiy bilimlarini ham mustahkamlab bormoqda. Bundan tashqari "Serqirra yoshlar" ,"UrDU ijodkor talabalar " nomli kanallarda o‘zining audio va video she’rlari bilan qatnashib, shuningdek, Yosh Volontyorlar Akademiyasi “Oltin Qanot” Volontyorlar Akademiyasi Xorazm bo‘limi tomonidan o‘tkazilgan tanlovlarda faol qatnashib faxrli o‘rinlarni qo‘lga kiritib kelmoqda.
Chet tillariga bo‘lgan qiziqishlari katta va hozirda ingliz tilini o‘rganib kelmoqda. Rossiyaning "Достижения науки и образования" jurnalida "The role of pronunciation in teaching" mavzusidagi maqolasi; Moskvaning "Студенческий вестник" jurnalida "Raising the oral language of children at school age" mavzusidagi maqolasi; "Chet tillarini o‘qitishda yangi pedagogik texnologiyalardan foydalanishning ahamiyati" mavzusida maqolasi chop qilingan.
Hozirda talaba f.f.d, dots. Sh.Norbayeva ilmiy rahbarligida "Xorazm shevasi o‘g‘uz lahjasiga oid leksikaning lingvokulturologik xususiyatlari" mavzusida tadqiqotlar olib bormoqda. Aynan shu mavzudagi bir nechta ilmiy maqolalari chop etilgan.
Xo‘jamurodova Madinabonu Sarvarbek qizi universitet hayotida faol talabalardan biri ekanligi, tirishqoqligi va izlanuvchanligi, namunali xulqi va barcha fanlarni a’lo baholarga o‘zlashtirganini inobatga olib, bugungi kunning iqtidorli talabalariga qo‘yilgan talablarga mos keladigan talaba sifatida , moddiy rag‘batlantirishga tavsiya qilaman.

Filologiya fakulteti dekani: f.f.d, dots.D.Q.G‘ayipov