Urganch Davlat universiteti kimyoviy texnologiyalar fakulteti oziq ovqat texnologiyasi fakulteti 202-oot guruh talabasi Sharipova Zumrad Mustaqil ishi

Urganch Davlat universiteti kimyoviy texnologiyalar fakulteti oziq ovqat texnologiyasi fakulteti 202-OOT Guruh talabasi Sharipova Zumrad Mustaqil ishi

Mavzu:Turli kasalliklar uchun davolash parhezi tashkil etish

Parhez, diyeta — miqdori, kimyoviy tarkibi, kaloriyaliligi (quvvati) va pishirib tayyorlanishi jihatidan maxsus tanlangan ovqat ratsioni, sogʻlom kishilar hamda bemorlarga moʻljallangan ovqatlanish rejimi. Parhezda organizmning oziq-ovqatlarga boʻlgan fiziologik ehtiyoji qondiriladi.

Bemorlarga Parhez buyurilganda moddalar almashinuvi yoki biror aʼzo funksiyasi buzilgan boʻlsa, uning faoliyatini tiklash koʻzda tutiladi. Buning uchun baʼzi oziq-ovqat mahsulotlari maxsus usullar bilan kayta ishlanadi.

Yara kasalligi, kolit, yogʻ bosish va boshqa kasalliklarda Parhez keng qoʻllanadi. Kasallikning davri, boskichi va fazasiga qarab, Parhezning bir necha varianti tavsiya etiladi. Kasalxonada davolanayotgan bemorga vrach kam ovqat yeyiladigan kunlar (mas, 1—2 kun) belgilaydi.

Bu kunlarda bemorni ataylab qisman och qoʻyish uchun alohida ratsiondan foydalaniladi. Oʻz bilgicha Parhez tanlash yomon oqibatlarga sabab boʻlishi mumkin.

Maxsus parhez turlari Maxsus parhezlar oziqaviy moddalar ustunligi bo‘yicha shartli ravishda bir necha turga bo‘linadi: *oqsilli (tvorog, go‘sht, baliq); *uglevodli (shakar, meva, guruchli-mevali); *yog‘li (qaymoq, smetana); *magniyli va kaliyli (magniy va kaliyga boy mahsulotlar); *ko‘proq suyuqlik qabul qilish (sharbatlar, choy).

Oziq-ovqat mahsulotlarining ustunligi bo‘yicha belgilangan maxsus parhezlar esa quyidagilarga bo‘linadi: vegeterian – o‘simliklardan iborat taomlar; sutli (sut, kefir, tvorog); shakarli; go‘sht va baliq; ichimliklar (sabzavot va mevalar sharbati, na’matak damlamasi, mineral suvlar).

Maxsus parhezlar quvvatliligi va kimyoviy tarkibi bo‘yicha to‘la qiymatga ega emas, shuning uchun ularda kasallikning kechishi va bemorning ko‘tara olishi hisobga olinib, 1–2 kunga yoki haftada 1–3 marta (yengil ovqatlanish) belgilanadi.