1-Mavzu: XI xv asrlarda Angliya Mustahkamlash uchun savollar

9. Jek Ked qo‘zg‘oloni. Lankastyerlar siyosatidan, jumladan, soliqlarning o’sib borishidan, ular ma'muriyatining suiste'mollaridan, yuz yillik urushdagi muvaffaqiyatsizliklardan va Angliya savdosining izdan chiqishidan bo’lgan norozilik Angliyaning eng taraqqiy etgan dengiz sohili grafliklaridan biri bo’lgan Kent grafligida xalq harakatining ancha keng avj olishida ifodalanadi. Gertsog York vassallaridan biri bo’lgan Jek Ked boshchiligida 1450- yilda Kentda qo’zg’olon bo’ldi. Kentning ko’pgina mayda dehqonlari, shuningdek, shaharliklarning bir qismi qo’zg’olonda ishtirok etdi. Ammo harakatga asosan ritsarlar rahbarlik qildi. Qo’zg’olonchilar (1450- yil 2- iyun) Londonga kelib, unda hukumat oldiga bir qancha talablar qo’yishdi. Bu talablar, asosan, qirolning telba maslahatchilarini saroydan uzoqlashtirish, markaziy va mahalliy idora ishini tartibga solish, lordlarning joylarda o’zboshimchalik qilishiga, zulm o’tkazishiga chek qo’yish talablaridan iborat edi. Qo’zg’olonchilarning 1450- yildagi ijtimoiy talablari orasida ishchilar to’g’risidagi nizomlarni bekor qilish talabi borligi diqqatga sazovordir (bunda Eduard III bilan Richard II ning qonunchiligi ko’zda tutilgan bo’lib, bu qonunchilik XV asrda ham hali rasmiy ravishda bekor qilinmagan edi). Bu talab harakatga eng mazlum elementlar, ya'ni batraklar, kambag’al dehqonlar va shaharlardagi xalfalar ham qatnashganligini ko’rsatdi. Qo’yilgan talablar orasida, shuningdek, gertsog Yorkskiyning qirollik kengashiga kiritish talabi ham bor edi. 1381- yilgi qo’zg’olon paytidagi singari, hukumat dastlab yon berishga majbur bo’ldi. Lekin harakat qatnashchilari o’zlariga berilgan va'dalardan so’ng London shahrini tashlab chiqib ketadilar, qirol qo’shinlari bo’lsa chekingan qo’zg’olonchilarga hujum qildilar va ularni kaltaklay boshladilar. Ked qolgan o’z tarafdorlari bilan birgalikda bir oz vaqt kurashni davom ettirdi. Ammo qirol soldatlari bilan to’qnashuv paytida Ked shu yili 12 -iyunda yarador qilinib, so’ng asir qilib olindi. Uni Londonga olib borayotganlarida yo’lda vafot etadi.