8-dars uy ishi. 8- mavzu. 1,2,3,5-topshiriqlar; 9- mavzu. 4-5-topshiriqlar; 10- mavzu. 9, 11, 13, 14, 15-topshiriqlar

Shuni ta’kidlash joizki, o‘ziga xos go‘zal ko‘ngil, samimiy mehr, insonsevarlik, jonivorparvarlik Tog‘ay Murod ijodida yorqin ko‘zga tashlanib, kishi qalbini zabt etadi, tuyg‘ularini sel qiladi. Avvalo, u odamiylikdan saboq beradi. Men uning «Ot kishnagan oqshom» qissasini o‘qib chiqdim. Otga munosabat insonga qadrdon bir jihat. Ming yillardan buyon buyuk ko‘chish-u har xil zafarli-zafarsiz yurishlari, umuman, tirikchiligi otsiz o‘tmagan turkiylar, o‘zidan olislashib borayotgan do‘sti-hamkorini o‘ylaganda, otga mehribonlik bilan yondashib keladi. Shu jihatdan Tog‘ay Murodning bu mavzuga murojaati tasodif ham emas, yangilik ham deb bo‘lmaydi: o‘ziga xosligi esa shu mavzudagi asarlar misolida ko‘rinadi.
Biz nega Boychiborni ming yillardan buyon jigarimizni sevgandek sevib kelamiz? Axir u emasmi, Alpomishni qalmoqlar chohidan olib chiqqan? Tog‘ay Murod o‘sha qadimiy birodarlikni Bo‘ztarlon timsolida yana bittaga ko‘paytirdi. Go‘yo to‘rt-besh ming yil keyin Tarlon Boychiborning avlodi bo‘lib, Alpomishning avlodi Ziyodulla chavandozga ko‘makka keladi.
Xulosa o‘rnida shuni aytish mumkinki, har bir inson tabiatdan bahra oladi. Ammo bu hali tabiatga muhabbat degani emas. Tabiatga muhabbat uni tushunishdan, uning go‘zalliklarini Tog‘ay Murodga xos anglashdan, tabiat bilan munosabatga kirishishdan boshlanadi. Texnik taraqqiyotning yutuqlaridan qanchalik sarmast bo‘lmaylik, ona tabiatning mo‘jizalaridan tuyadigan zavqu-shavqning o‘rnini hech narsa bosa olmaydi.


11-topshiriq.
Adolat – jamiyatimiz tayanchi
Adolat bo‘lmagan joyda norozilik, adovat, ziddiyat, qarama-qarshilik (osudalik, qarama-qarshilik, ur-yiqit) paydo bo‘ladi. Amir Temur olamning qariyb yarmiga jahongir bo‘lsa-da, u kuch-qudrat zo‘ravonlikda emas, balki adolatda ekanini teran angladi. (his etdi, qabul qildi, angladi)
Har bir kishi o‘zini mamlakatning haqiqiy kishisi (kishisi, fuqarosi, odami, insoni) deb his etishi, o‘ziga berilgan huquqlar va erkinliklarni tushunib yetishi lozim. Aholida inson (kishi, odam, inson)huquqlari va erkinliklariga rioya qilish borasida yangi qadriyatlar va ko‘nikmalarni shakllantirish muhimdir.
Madaniyatimiz, tariximiz bizning eng katta, ko‘z qorachig‘iday (gavhariday, qorachig‘iday) asraydigan boyligimiz. Ular hech qachon eskirmaydi, jamiyatni ma’nan yoshartirib turadi.