Abu nasr forobiyning

2 – bob bo’yicha xulosa
Abu Nasr Forobiyning ijtimoiy – siyosiy va axloqiy qarashlarining tahlili shundan dalolat beradiki, u axloq va siyosat muammolarini talqin qilishda ilg’or pozitsiyada turgan. Olim inson va uning fazilatlari, fikr – o’ylari, orzu – istaklari haqida keng va teran fikr yuritib, o’sib kelayotgan avlodning ta’lim – tarbiyasida qayg’uradi.

Forobiy ijtimoiy masalalarni umuminsoniy va insonparvarlik nuqtai nazardan hal qilishga intilgan. Ayniqsa, ijtimoiy – utopik qarashlari, mukammal jamoa, fozil davlat to’g’risidagi g’oyalari o’sha davr uchun nihoyatda ijobiy rol o’ynaydi. Zero bunday g’oyalar o’rta asr istibdodiga, ijtimoiy adolatsizlikka qarshi qaratilgan edi.

Mutafakkirning e’tiborga molik fikrlardan yana biri uning hamma toifadagi kishilarni teng huquqli deb hisoblashidir. U o’z asarlarida bir kishini ikkinchisidan yuqori qo’ymaydi, ularni kamsitmagan. U adolat hukm surgan jamiyatda hamma bir xil mavqeda bo’ladi, degan aqidani ilgari surgan.

Forobiyning umuminsoniy g’oyalari nafaqat o’z davrida, balki keying davrlarda yashagan olimlar dunyoqarashining shakllanishiga ham muhim ahamiyatga ega bo’lgan. XI – XX asrlar davomida uning risolalari necha bor qayta ko’chirildi, toshbosmalarda bosildi, olimlar tamonidan o’rganilib, risolalariga sharhlar yozildi.

III BOB. ABU NASR FOROBIY ILMIY MЕROSINI AKADЕMIK LITSЕY VA KASB-HUNAR KOLLЕJLARIDA ZAMONAVIY PЕDAGOGIK TЕXNOLOGIYALAR ASOSIDA O’QITISH