Асосий бевосита объекти ҳисобланади. Қушимча бевосита объект бўлиб

ЖК 287-моддаси 1-қисмида назарда тутилган жиноят, агар ҳарбий хизматчи ноқонунан ҳарбий қисмдан ёки хизмат жойидан ташқарида бўлиб, 10 кун давомида хизматни ўташ жойига келмаса тугалланган деб тан олинади.
Субъектив томондан жиноятлар қасддан содир этилади. Қисмни ёки хизмат жойини ўз хохишига биноан тарк этиш бевосита қасддан қилинган деб тавсифланади. Айбдор, қисмни ёки хизмат жойини командирнинг рухсатисиз тарк этаётганини ёки қисм худудига белгиланган муддатда қайтмаслигини англайди ва ушбу қилмишни содир этишни истайди.
Жиноят субъекти бўлиб, қонуннинг бевосита кучига биноан муддатли хизматдаги ҳарбий хизматчилар, яъни аскарлар, матрослар, сержантлар ва муддатли хизмат старщиналари ҳисобланадилар.

ЖКнинг 287-модда 2-қисмида назарда тутилган жиноятнинг объектив томонлари қисмни ёки хизмат жойини ўз хохишига биноан тарк этиши ёки ун суткадан кўпроқ, аммо бир ойдан ошмаган вақт давомида муддатли хизмат ҳарбий хизматчи, зобитлар таркибидаги шахс, прапоршик, мичман ёки контракт бўйича ҳарбий хизмат ўтаётган томонидан узрли сабабларсиз содир этилган хизматга келмаслигидан иборатдир.

ЖКнинг 287-модда 2-қисмида кўрсатилган субъектлар: муддатли хизмат ҳарбий хизматчилари томонидан, зобит таркибидаги шахслар томонидан, прапоршиклар, мичманлар, контракт бўйича ҳарбий хизмат ўтаётган ҳарбий хизматчилар томонидан содир этилган қисмни ёки хизмат жойини ўз хохишига биноан тарк этиш, ҳамда узрли сабабларсиз бир ойдан ортиқ муддат хизматга келмаслик учун ЖК 287-модда 3-қисмида жавобгарлик кузда тутилган.
Бунда харбий қисмда ёки хизмат жойида ноқонуний йўқ булишликнинг максимал давомийлиги квалификациялаш учун аҳамиятга эга эмас, бироқ жазо чораларини аниқлашда ҳисобга олинади.
ЖКнинг 287-моддаси 4-қисмида жанговор ҳолатида содир этилган қисмни ёки хизмат жойини ўз хохишига кўра тарк этгани учун, давомийлигидан қатъий назар жавобгарликни назарда тутади.
2. ДЕЗЕРТИРЛИК ЖИНОЯТИ УЧУН ЖАВОБГАРЛИК
Ҳарбий хизмат ўташнинг ўрнатилган тартиби жиноятнинг бевосита объекти бўлади.