Конспекти 1-мавзу : «Сафлар ва уларни бошқариш. Командир ва ҳарбий хизматчилар -нинг сафдаги мажбуриятлари»

Кўргазмали
қуроллар ва ЎТВ

1.	Кириш қисми.	5
2.	Асосий қисм. Ўқув саволлари: 1-ўқув саволи: Сафлар, сафларни бошқариш, командалар, сафни бошқаришдаги бериладиган командалар. 2- ўқув саволи: Сафланиш ва саф олдидаги командир ва аскарнинг мажбуриятлари.	70 дақиқа. 35 дақиқа. 35 дақиқа.	Ҳар бир талабага Саф Низоми 2013 йил 28 октябрдаги 13/34/6/84. Мавзу бўйича плакатлар.
3.	Якуний қисми.	5

ДАРС ЖАРАЁНИ
I.КИРИШ ҚИСМИ – 5 дақиқа.

- гуруҳ бўйича навбатчидан билдирув қабул қилиш;

- талабаларнинг машғулотга тайёрлигини текшириш;
- ўтгар мавзулар бўйича талабаларнинг билимини текшириш.
II. АСОСИЙ ҚИСМ – 70 дақиқа.


1-ўқув саволи: Сафлар, сафларни бошқариш, командалар, сафни бошқаришдаги бериладиган командалар.


1. Саф – ҳарбий хизматчилар, бўлинма ва ҳарбий қисмларнинг пиёда ва машиналарда биргаликда юриш учун мазкур Низомда белгиланган тартибда жойлашуви.
2. Шеренга – ҳарбий хизматчилар бир чизиқда, белгиланган интервалга амал қилган ҳолда ёнма-ён турган саф.
Машиналар чизиғи – машиналар бир чизиқда ёнма-ён жойлашган саф.
3. Қанот – сафнинг ўнг (чап) томони. Саф бурилганда, қанот номи ўзгармайди.