Махмудова Ойбарчин Ахатовна

Махмудова Ойбарчин Ахатовна

Низомий номидаги ТДПУ ҳузуридаги халқ таълими ходимларини қайта тайёрлаш ва уларнинг малакасини ошириш ҳудудий маркази “Мактабгача, бошланғич ва махсус таълим методикалари” кафедраси доцент в.б

"БАЛИҚЧАЛАР" ЎЙИНИ

М а қ с а д: Ранглар ҳақидаги билимларни мустаҳкамлаш, фазода мўлжал олишда ранглар жойлашинувини ўргатиш. Болалар фаол нутқига ўнг, чап, қатор, устунча, тепада, пастда каби тушунчаларни киритиш.

Ўйиннинг жиҳозлари:

1. 6та балиқнинг силуэтларида қорин қисми кесилган тасвири. Битта А-4 форматда 1 та балиқ. А-4 форматдаги барча балиқлар ўзаро бириктирилган холда 2 устунчада хосил бўлади. Ўз ўрнида устунчалар бир бирига бириктирилади.

2. Олти ҳил рангдаги тўғри тўрт бурчакли қоғозлар Хар бир ранг 14х10см тўғри тўртбурчак (қизил,сариқ, яшил, кўк, бинафша, мовий ранглар )

Машғулотдаги ўйиннинг таснифи

Тарбиячи 6та балиқнинг силуэтларида қорин қисми кесилган тасвири туширилган конвертли плакатни (1расм) болаларга намоиш қилади, унда:

-Қаторларни бу 1-қатор, бу 2-қатор,бу 3-қатор деб кўрсатади, устунчаларни кўрсатади бу -1чи устун,бу-2чи устун деб кўрсатади. Бу ўнг томон, бу чап томон.Бу ўнг томоннинг тепа қисми, бу ўнг томонни пастки қисми каби тушунчаларни киритади. Болалар навбатма-навбат конвертларга рангларни қўйиб чиқишади. Қўйилган ранглар номланади, қаторлар, устунчалар, томонлар тўғрисида маълумотлар мустаҳкамланади.

Саволларнинг 1 варианти. Тарбиячи қизил рангли карточкани олиб, болалардан унинг рангини сўрайди. Уни 1чи қатор 1чи устунча конвертига солишни айтади. Зарғалдоқ рангли карточкани олиб, болалардан унинг рангини сўрайди. Уни 2чи қатор 1чи устун конвертига солишни айтади. Яшил рангли карточкани олиб, болалардан унинг рангини сўрайди. Уни 3чи қатор 1чи устунча конвертига солишни айтади.Шу тарзда хамма конвертларга барча ранглар жойлаштирилади.

Саволларнинг 2 варианти.Тарбиячи барча рангли карточкаларни олиб, қизил рангли карточкани кўрсатади ва уни қаерга жойлаштирганини сўрайди. Болалар эса, қизил рангли карточкани қаерга жойлаштирганини айтишлари керак.

Болалар жавоби шундай бўлиши мумкин: Қизил рангли балиқча 2чи устун, 3 чи қаторда жойлашган, ёки ўнг томоннинг пастки қисмида жойлашган деб жавоб берадилар. Кейинги варианталарда "олдида", "орқада", "тепада", "ёнида" каби иборалар болаларнинг фаол нутқига киритилади. Масалан: қора рангли балиқча қизил балиқчанинг орқасида жойлашган, кўк рангли балиқча сариқ рангли балиқчанинг пастида жойлашган ва х.

Бу ўйиннинг вариантлари жуда хилма-хил бўлиши мумкин.