Mavzu: Bog‘lanishlarning asosiy turlari va ularning reaksiya kuchlari. Kesishuvchi kuchlar sistemasi

4. Bog`lanishlar aksiomasi.

Yuqorida aytganimizdek statika qismida erkinmas qattiq jismlarning muvozanatlik shartlarini o`rganishda quyidagi aksioma qo`llaniladi:

Harqanday erkinmas qattiq jismga qo`yilgan bog`lanishlarni tashlab yuborib, ularni o`rniga shu bog`lanishlarning reaktsiya kuchlari qo`yilsa, ularni erkin jism deb qabul qilish mumkin.

1.11-shakl.

Og`irligi R -ga teng bo`lgan AB brus, o`zining A va D nuqtalari bilan DOE bog`lanishga suyangan holda muvozanat holatini saqlab turibdi. Endi shu bog`lanishni tashlab yuborib, uni o`rniga N_D va N_A reaktsiya kuchlarini qo`yib, DOE bog`lanishni tashlab yuborsak, AV brus unga qo`yilgan to`rtta N_D , N_A , T va R - kuchlar tasirida erkin holatda muvozanatini saqlab turaveradi deb hisoblanadi, va statikaning barcha masalalari shu asosda echiladi.

Statika qismida jismlarga tasir etuvchi kuchlar ham yo`nalishi, ham son qiymati jihatidan o`zgarmas deb qabul qilinadi. Aslida har bir kuch vektor qiymat bo`lganligi uchun ularni geometrik va analitik ravishda qo`shish usullari vektorlar algebrasida ko`rib o`tilgan. Agar kuch vektorlarining tasir chiziqlari bir nuqtada kesishsa bunday kuchlar sistemasini keshuvchi kuchlar sistemasi deyiladi.