Mavzu: durodgorlikda ishlatiladigan yog‘och turlari va xossalari reja

1,2,3- Kedr, 4,5- Oq qarag`ay 6- Tilog`och¹
Yog‘ochning xossalari.
Materiallarning butunligiga ta’sir etmaydigan va uning ximiyaviy tarkibini о‘zgartirmaydigan xossalar yog‘ochning fizik xossalari deb ataladi.
Yog‘ochning fizik xossalari uning rangi, tovlanishi, tob tashlab eshilishi, tabiiy guli(teksturasi), xidi, namligi, nam ta’sirda bо‘kishi, quruvchanligi, zichligi, nam о‘tkazuvchanligi, issiqlik о‘tkazuvchanligi, tovush о‘tkazuvchanligi, elektr о‘tkazuvchanligidan iborat.
Rang yog‘och materiallarining turlarini va ularning sifatlarini aniqlashga imkon beradigan muxim xossalaridan biri. Yog‘ochning rangi avvalo uning turiga va о‘sish sharoitiga bog‘liq. Kо‘pchilik yog‘ochlar (qayin, tol, arg‘uvon, terak, archa) oqish rangli bо‘lib nursiz izlari bо‘ladi. Eman, shumtol-jigarrang; qora qayin akatsiya oq qizg‘ish; yong‘oq, qayrag‘och-qoramtir bо‘ladi. Yog‘ochning tovlanishi. Yog‘och о‘zak nurlari tufayli, ularning yо‘nalishi va zichligiga bog‘liq xolda tovlanadi.Yog‘ochning tovlanishini sun’iy ravishda orttirish uchun laklash, politurlash va mumlash ishlari bajariladi.
Yog‘ochning tabiiy guli (teksturasi). Randalash vaqtida yog‘och tolalari, о‘zak nurlari va yillik xalqalarining kesilishi natijasida yog‘ochning tabiiy guli namoyon bо‘ladi.
Yog‘ochning xidi. Yog‘och undagi smalalari, efir moylari, oshlash kislotalaridan qaysi birining mavjudligiga va miqdoriga bog‘liq xolda xar-xil xidli bо‘ladi. Yog‘ochning о‘zak qismi о‘tkir xidli bо‘lib unda yuqoridagi moddalar kо‘p bо‘ladi. Yangi kesilgan, shuningdek, igna bargli daraxtlar yanada о‘tkir xidli bо‘ladi. Yog‘och qurigan sayin xidsizlanib boradi, ba’zan xidi о‘zgarib ketadi. +idning о‘zgarishi yog‘ochning buzulishiga xam bog‘liq.
Yog‘ochning namligi. Namlik daraxtning xayoti va uning о‘sishi uchun kerak bо‘lgan asosiy omillaridan biridir. Namlik daraxtning о‘sish sharoitiga va turiga yangi kesilgan yoki eski kesilganiga, quritilgan yoki quritilmaganiga qarab oz yoki kо‘p bо‘ladi.