Mavzu: jismoniy madaniyatning jamiyatdagi asosiy funksiya va shakllari

JISMONIY MADANIYATNING FUNKSIYALARI
Jismoniy madaniyatning maxsus funksiyasi
Jismoniy madaniyatning umumiy funksiyasi
Ta’lim va tarbiya funksiyasi
Amaliy funksiyasi
Sport funksiyasi
Rekriativ va sog’lomlashtirish-reabilitatsiya funksiyasi
Estetik funksiyasi
Normativ funksiyasi
Axborot funksiyasi
Jismoniy madaniyatning maxsus funksiyalari deganda, madaniyatning boshqa turlariga taalluqli bo’lmagan, alohida xususiyatga ega bo’lgan funksiyalar tushuniladi. Bular uni ko’rinishlari va har xil turlarini xususiyatiga qarab bo’linadi. Umuman jismoniy madaniyatga xos bo’lgan hamma yoki ko’pgina turlarini birlashishi sharoitida amalga oshiriladigan funksiyalarni hamda ayrim bo’limlarga, ko’rinish va har xil turlariga taalluqli o’ziga xos funksiyalarni ajratish mumkin. Jismoniy madaniyatning maxsus funksiyalari umuman uni o’ziga xos xususiyatlari, kishini harakat faolligini tabbiiy talabini qondirishga mo’ljallangan bo’lib, shu asosda organizmni jismoniy holati va rivojlanishini, sog’liqni mustahkamlash qonuniyatlariga binoan optimal darajaga keltirish va hayotda kerak bo’ladigan jismoniy ish qobiliyatini ta’minlashdan iboratdir.
Inson organizmining yashashi, me’yorda ishlashi va rivojlanishi uchun harakat faolligi bo’lishi va unga kerakli sharoitlar yaratilishi shart. Agarda harakat faolligi olib tashlansa, yoki minimum miqdorgacha pasaytirilsa, kishi organizmi yomon oqibatlarga tushib qoladi. Buyuk donishmand Aristotel bejizga “Inson organizmini hech narsa uzoq vaqt jismoniy harakatsizlikdek darmonini quritishi va yemirishi mumkin emas” demagan. Bizning davrimizda ishlab chiqarish jarayonini mexanizatsiyalash, avtomatlashtirish, kompyuterlashtirish kishini harakat faoliyatining asosiy sohasini harakat faolligi hajmini kamaytirib, asr kasali gipodinamiyani yaratdi.
Jismoniy madaniyatni har kungi turmushga muntazam ravishda singdirish ishlab chiqarish gipodinamiyasining yomon ta’sirini yo’qotadi, jismoniy sifatlarni rivojlantirib, insonni har tomonlama kamol toptirishga yo’naltiriladi.
Yuqoridagilarni hisobga olgan holda jismoniy madaniyat quyidagi maxsus funksiyalarga ajratiladi